موصولہ اطلاع کے مطابق ذہنی بیماری میں مبتلا ایک شخص نے فیس بک کے ٹائم لائن میں خودکشی کرنے کے بارے میں لکھا تھا۔ کولکاتا پولیس کی سائبر سیل کو اس شخص کے ٹائم لائن پر نظرپڑی۔
سائبر سیل نے فوراً آ ئی پی ایڈریس اور موبائل فون کے نمبر کے ذریعے خودکشی کر نے کی کوشش کرنے والے شخص کے متعلق تمام معلومات حاصل کی۔
سائبر سیل اور کولکاتا پولیس کے اہلکاروں نے جا ئے وقوع پر پہنچ کر ذہنی طور پر بیمار شخص کو پھانسی سے قبل اپنے حراست میں لے لیا ۔
سائبر سیل کے مطابق فیس بک سرچ کے دوران ٹائم لائن کے ذریعے پتہ چلا کہ ایک شخص خودکشی کرنے والا ہے۔ اس کی اطلاع موصول ہوتی ہی انہیں بچانے کی کارروا ئی شروع کردی گئی اور اس میں ہمیں کامیابی ملی۔
انہوں نے مزید کہا کہ کولکاتا پولیس کی سائبر سیل ہمہ وقت سرگرم رہتی ہے اس طرح کی کسی بھی اطلاع کو نظرانداز نہیں کرتے ہیں۔ کبھی کبھی فیس بک پر دی گئی اطلاع جھوٹ نکلتی ہے۔
