ملک کے یونیورسٹیوں کی کارکردگی کے بنا پر کیو ایس انڈیا یونیورسٹی رینکنگ میں پورے ملک میں کلکتہ یونیورسٹی کو 11واں اور جادب پور یونیورسٹی کو 12واں مقام ملا ہے۔
اس فہرست میں ایک سے لیکر دس مرکزی یونیورسٹیوں کو جگہ ملی ہے۔
ریاست کے تمام یونیورسٹیوں میں کلکتہ یونیورسٹی کو پہلا مقام ملا ہے جبکہ جادب پور یونیورسٹی کو ریاست میں دوسرا مقام حاصل ہوا ہے۔
اس کے علاوہ تمام ریاستوں کے ماتحت یونیورسٹیوں میں کلکتہ یونیورسٹی سرفہرست ہے اس کامیابی پر آج وزیر اعلیٰ ممتا بنرجی نے کلکتہ یونیورسٹی اور جادب پور یونیورسٹی کو مبارکباد پیش کیا ہے۔
کیو ایس انڈیا یونیورسٹی رینکنگ میں 2019 میں کلکتہ یونیورسٹی کو 11واں اور جادب پور یونیورسٹی کو 12واں مقام حاصل ہوا تھا۔
واضح رہے کہ کیو ایس ورلڈ رینکنگ میں کلکتہ یونیورسٹی 801سے 1000 رینکنگ میں ہے جبکہ جادب پور یونیورسٹی 651سے700 کے درمیان ہے۔
ممتا بنرجی نے ٹویٹ کر کلکتہ یونیورسٹی اور جادب پور یونیورسٹی کو مبارکباد پیش کرتے ہوئے لکھا ہے کہ "مجھے یہ بتاتے ہوئے خوشی محسوس ہو رہی ہے کہ کیو ایس انڈیا یونیورسٹی رینکنگ میں کلکتہ یونیورسٹی اور جادب پور یونیورسٹی کو ریاستی حکومتوں کے یونیورسٹیوں کی فہرست میں پہلا اور دوسرا مقام حاصل ہوا ہے اس کامیابی پر میں مبارک باد پیش کرتی ہوں"۔
جادب پور یونیورسٹی اور کلکتہ یونیورسٹی کے وائس چانسلر نے اس موقع پر خوشی کا اظہار کیا ہے۔
