مغربی بنگال کے بیر بھوم ضلع کے شانتی نیکیتن میں واقع وشوا بھارتی یونیورسٹی میں تین روزہ پوش اتسو کا افتتاح ہو چکا ہے۔ جس میں وزیراعلی ممتا بنرجی کو مدعو نہ کئے جانے پر یونیورسٹی انتظامیہ ہدف تنقید بنی ہوئی ہے۔
ذرائع کے مطابق وشوا بھارتی یونیورسٹی انتظامیہ پر الزام ہے کہ وزیراعلی ممتا بنرجی کو صد سالہ تقریبات اور پوش اتسو کے لیے مدعو نہیں کیا۔وزیراعلی ممتا بنرجی نے بھی کچھ اسی طرح کا اشارہ کرتے ہوئے پوش اتسو میں نہ جانے کی بات کہی تھی۔لیکن یونیورسٹی انتظامیہ نے فوراً وضاحت کرتے ہوئے اپنے ویب سائٹ پر وزیراعلی ممتا بنرجی کے نام سے جاری ہونے والی دعوت نامہ کی فوٹو جاری کیا۔
وزیراعلی ممتا بنرجی کی جانب سے جاری ایک بیان میں کہا گیا ہے کہ یونورسٹی انتظامیہ ملاقات کرنا چاہ رہی تھی لیکن مصروفیات کی وجہ سے ایسا ممکن نہیں ہو سکا۔یونیورسٹی انتظامیہ پر وزیراعلی ممتا بنرجی سے فون کے ذریعہ بھی رابطہ کرنے کی کوشش نہیں کی گئی۔
یہ بھی پڑھیں: مودی نے وشو بھارتی یونیورسٹی کو ٹیگور کے خوابوں کی تکمیل قرار دیا
وشوا بھارتی یونیورسٹی کے وائس چانسلر بدوت چکرورتی نے کہا کہ ایسا کبھی نہیں ہو سکتا ہے کہ یونیورسٹی کی تقریب میں وزیراعلی ممتا بنرجی کو مدعو نہ کیا جائے۔انہوں نے کہا کہ سچائی یہ ہے کہ انہیں مدعو کیا۔ان کے نام خط بھی لکھا گیا۔اس سے زیادہ اور کیا کیا جا سکتا ہے۔
