ریاست مغربی بنگال کی وزیراعلیٰ ممتا بنرجی نے درگا پوجا سے متعلق مختلف پوجا کمیٹیز کے ساتھ اہک اہم میٹنگ کی۔
اس میٹنگ میں انہوں نے ہر ایک پوجا کمیٹی کو پچاس ہزار دینے کا اعلان کیا اور اس کے ساتھ ہی پوجا کمیٹیز کو سی ایس ایس سی کی الیکٹرک بل پر بھی پچاس فیصد کی رعایت دینے کی بات کہی ہے۔
واضح رہے کہ آئندہ ماہ بنگال کا سب بڑا تہوار درگا پوجا آنے والا ہے، جس پر کورونا وائرس کا اثر واضح طور پر نظر آرہا ہے۔
اس بار درگا پوجا کس طرح منایا جائے اس سلسلے میں وزیراعلیٰ ممتا بنرجی نے مختلف پوجا کمیٹیز کے ساتھ میٹنگ کی اور کئی اعلانات کیے۔
وزیراعلیٰ ممتا بنرجی نے تمام پوجا کمیٹیز کو درگا پوجا کے لیے پچاس ہزار دینے کا اعلان کیا، اس کے علاوہ درگا پوجا میں پوجا پنڈال میں خرچ ہونے والے سی ایس سی ای کے بل پر بھی پچاس فیصد رعایت دینے کا اعلان کیا۔
اس موقع پر ممتا بنرجی نے سوک ولنٹیر اور آشا کرمیوں کے تنخواہوں میں بھی اضافہ کا اعلان کیا ہے۔
پوجا کے دوران سماجی دوری کس طرح بحال رکھی جائے اس سلسلے میں وزیراعلیٰ ممتا بنرجی کی پوجا کمیٹیز کےساتھ میٹنگ ہوئی، جس کے دوران انہوں نے کہا کہ اس بار ہمیں مزید احتیاط رکھنے کی ضرورت ہے۔
انہوں نے کہا کہ پوجا دوران کوئی نا خوشگوار واقع نہ ہواس پر خاص نظر رکھنی پڑے گی، تاہم منڈپ کھلی فضا میں ہونا چاہیے، اور سینیٹائزنگ کا انتظام بھی رکھنا ہوگا۔
انہوں نے کہا کہ ماسک کے بغیر زیارت کرنے کی اجازت کسی کو نہیں ہوگی، کہیں بھی بھیڑ نہ ہو اس کا خاص خیال رکھنا پڑے گا۔
انہوں نے کہا کہ اس کے علاوہ پوجا منڈپ کے آس پاس کوئی ثقافتی پروگرام نہیں ہوگا، پولیس بڑی تعداد تعینات ہوگی۔
واضح رہے کہ اس کے علاوہ ہر برس ہونے والے پوجا کارنیول کو اس بار معطل کردیا گیا ہے، ان سب کے علاوہ کورونا وائرس اور لاک ڈاؤن کی وجہ سے درگا پوجا کا رنگ اس بار پھیکا نہ پڑے جس کے لیے کمیٹیز کو پوجا کے لیے پچاس ہزار کی مالی مدد کا اعلان کیا ہے۔
ساتھ ہی پوجا کے تحفے کے طور پر ہاکرز کو بھی دو ہزار روپے دینے کا اعلان کیا ہے۔
اس سلسلے میں وزیراعلیٰ ممتا بنرجی نے کہا کہ ہاکرز کی حالت بہت خراب ہے، ان کو تہوار منانے میں کوئی پریشانی نہ ہو اس لیے یہ فیصلہ کیا گیا ہے۔
