ریاست مغربی بنگال میں کانگریس کے صدر سومن مترا نے وزیر اعلیٰ ممتابنرجی کی جانب سے اپوزیشن پر ذاتی حملے کی مذمت کرتے ہوئے کہا کہ ممتا بنرجی اپنی ہر تقریر میں مرکز میں حکومت بنانے کی بات کر رہی ہیں تو کیا وہ وہ بی جے پی اور آر ایس ایس کی مدد سے حکومت بنائیں گی؟۔
مغربی بنگال پردیس کانگریس کے صدر سومن مترا نے آج ایک پریس کانفرنس سے خطاب کرتے ہوئے وزیر اعلیٰ ممتا بنرجی پرسخت نکتہ چینی کرتے ہوئے کہا کہ ممتا بنرجی نے مالدہ اور مرشدآباد میں اپنی سیاسی جلسے میں بار بار کانگریس کے رہنماؤں پر ذاتی حملے کر رہی ہیں اب انہوں نے سیاسی اقدار کی حد پار کردی ہے۔
انھوں نے مزید کہا کہ ممتا بار بار کانگریس پر آر ایس ایس کے ساتھ ملکر کام کرنے کا الزام لگا رہی ہیں جبکہ یہ بات بالکل واضح ہےکہ گزشتہ 70 برسوں سےآر ایس ایس نظریاتی لڑائی لڑ رہے ہیں اور یہ بات بھی ہر شخص جانتا ہے کہ کس کے بی جے پی سے تعلقات رہے ہیں اور کون بی جے پی حکومت میں تھا۔
بی جے پی سے تعلق ممتا بنرجی نے کہا کہ مودی بس ایک بہانہ ہیں واجپئ کے دور میں واجپئ اچھے تھے اور ایڈوانی خراب تھے اور آج ایڈوانی اچھے ہیں اور مودی خراب ہیں اگر ان کی نیت صاف ہے تو واضح کریں کہ اگر 42 سیٹوں پر جیت حاصل کرنے کے بعد باقی 230 سیٹیں کہاں سے لائیں گی کیونکہ ریاستی پارٹیاں تو زیادہ تر کانگریس کے ساتھ ہیں وہ باقی سیٹوں کا انتظام کیسے کریں گی۔
کانگریس کے صدر سومن مترا کا مزید کہنا تھا کہ مرکز میں راہل گاندھی کی قیادت میں کانگریس کی حکومت قائم ہوگی۔
