کولکاتا: مغربی بنگال کی وزیراعلیٰ ممتابنرجی نے کہاکہ اگر آپ انڈمان نکوبار جیل جائیں تو دیکھیں گے کہ 90 فیصد نام بنگال کے ہیں۔ اور باقی پنجاب کے یں۔ اس لیے اس حقیقت کو دہرانے کی ضرورت نہیں ہے کہ بنگال نے تحریک آزادی میں اہم کردار ادا کیا ہے۔
وزیراعلیٰ ممتابنرجی نے کہا کہ بنگال میرا گھر ہے ، یہ میرے لئے سب کچھ ہے ، یہاں ہندو، سکھ، مسلمان اور دیگر فرقے سب لوگ مل کر رہتے ہیں پ۔بنگال یکجہتی کا مرکز ہے۔
خطاب کے اختتام پر وزیراعلیٰ نے اپنے شعری مجموعہ کی کتاب سے دو اشعار بھی پڑھے۔ انہوں نے جو پہلی نظم پڑھی اس کا نام امر ادریس ہے۔ وزیر اعلیٰ نے کہا کہ انہوں نے یہ نظم سینگور میں اپنی بھوک ہڑتال کے 26ویں دن لکھی تھی۔ اور ایک نظم سنائی جس کا نام متیر گھر تھا۔
کنیا شری پروجیکٹ کے بارے میں وزیر اعلیٰ نے کہا،کہ ’’آج کنیا شری ایک برانڈ ہے۔ مجھے یقین ہے کنیا شری دیوس کو ملک بھر میں لڑکیوں کے عالمی دن کے طور پر منایا جائے گا۔ میں نے کنیا شری کا لوگو ایک غریب لڑکی کی تصویر سے بنایا تھا۔ کنیا شری کا گانا بھی میں نے لکھا ہے اور لوپامدرا نے گایا ہے۔
یہ بھی پڑھیں:Mamata Banerjee ممتا بنرجی کا سائنسدان وکاس سنہا کی موت پر تعزیت کا اظہار
انہوں نے کہاکہ میں نے فریڈم ایٹ مڈ نائٹ پروگرام شروع کیا۔ آج دو تقاریب میں شرکت کرنی ہے۔ اسکولوں، کالجوں اور یونیورسٹیوں کے سربراہان کو ایک بار علی پور میوزیم کا دورہ کرنا چاہیے۔ میں نے یہ آزادی کے 75 ویں سال کے موقع پرقوم کےلئے وقف کیا ہے۔
