مغربی بنگال کی شمالی بنگال کے دورے کے دوران وزیراعلیٰ ممتا بنرجی CM Mamata Banerjee نے شمالی خطے کے اضلاع میں ترقیاتی کاموں میں تیزی لانے کی افسران کو ہدایت دی ہے۔ اسی درمیان وزیراعلیٰ ممتا بنرجی نے شوہر کی بربریت (دائیں ہاتھ کی کلائی کاٹنے کا واقعہ) کا سامنا کرنے والی رانو خاتون کو سرکاری ملازمت کی یقین دہانی بھی کرائی ہے۔ اس کے علاوہ ضلع انتظامیہ کو متاثرہ کو علاج میں تمام تر سہولیات فراہم کرنے کی ہدایت دی۔
وزیراعلیٰ ممتا بنرجی نے کہا کہ رانو خاتون کے بارے میں سن کر بے حد افسوس ہوا۔ شوہر کو اپنی بیوی کے ساتھ تاحیات ساتھ نبھانے کی کوشش کرنی چاہیے۔ یہ کیسا انسان ہے، جس نے نوکری کی مخالفت کرتے ہوئے اپنی بیوی کی انگلی کاٹ دی۔ وزیراعلیٰ ممتا بنرجی نے کہا کہ رانو خاتون کو سرکاری ملازمت دی جائے گی۔ جو کام وہ آرام سے کر سکتی ہے، وہ کام رانو کو دیا جائے گا۔Mamata Assured Government Job To Renu Khatun
دوسری طرف کیتو گرام کی پولیس نے رانو خاتون کے شوہر شیر محمد کو گرفتار کر لیا ہے۔ شیر محمد نے اپنی بیوی کی کلائی کاٹنے کے لئے سپاری دی تھی۔ واضح رہے کہ کیتو گرام میں رہنے والے شیر محمد اپنی بیوی کے ملازمت کرنے سے خوش نہیں تھا۔ اس کی بیوی پرائیویٹ ہسپتال میں نرس تھی۔ حال ہی میں سرکاری ملازمت کے لئے امتحان پاس کیا تھا، سرکاری ملازمت ملنے کے بعد اگلے پیر کو ڈیوٹی جوائن کرنا تھا لیکن اسی رات شیر محمد نے سپاری کلر کی مدد سے اپنی بیوی کے ہاتھ کی کلائی کاٹ ڈالی، تاکہ وہ سرکاری ملازمت سے محروم ہو جائے۔Mamata Assured Government Job To Renu Khatun
یہ بھی پڑھیں: Husband Cuts Wife's Wrist in West Bengal: سرکاری نوکری ملنے پر شوہر نے اہلیہ کی کلائی کاٹ دی
