کولکاتا: مغربی بنگال کے ندیا ضلع کے کرشنانگر سے ترنمول کانگریس کی رکن پارلیمان مہوا میترا نے رام نومی کے موقع پر تشدد اور ایک مخصوص طبقے پر حملوں کے سلسلے میں مرکزی وزیر داخلہ امت شاہ پر شدید تنقید کی۔ انہوں نے بلقیس بانو کے معاملے میں بھی وزیر داخلہ کو ہدف تنقید بنایا۔ رکن پارلیمان کا دعویٰ ہے کہ شاہ ان لوگوں کو پھانسی دینا چاہتے ہیں جنہوں نے رام نومی کے موقعے پر جلوس کے دوران ہہار میں پتھراؤ کیا، لیکن وہ وہی ہیں جو گجرات میں قاتلوں اور اجتماعی جنسی زیادتی کے معاملے میں ملوث لوگوں کی رہائی کا بندوبست کرتے ہیں۔ بی جے پی سے کیا امید کر سکتے ہیں۔
انہوں نے کہا کہ مغربی بنگال سے لے کر بہار تک رام نومی جلوس کے موقع پر نکالے گئے جلوسوں کے دوران جو کچھ بھی ہوا اس پر بے حد افسوس ہے ۔چند لوگوں نے پرامن ماحول کی فضا کو مکدر کرنے کی کوشش کی ہے۔ شاہ نے اس واقعے کے ذمہ داروں کے خلاف سخت کارروائی کا مطالبہ کیا۔ وزیرداخلہ ایک عوامی جلسے میں شرکت کے لئے بہار گئے تھے۔ انہیں سہسرام بھی جانا تھا، لیکن کشیدگی کے پیش نظر شاہ نے دورہ منسوخ کر دیا۔
اس کے علاوہ شاہ نے وزیر اعلیٰ نتیش کمار پر دہشت گردی کا براہ راست الزام لگایا۔ ان کے مطابق لالو پرساد یادو کی آر جے ڈی جیسی پارٹی والی حکومت امن قائم نہیں کر سکتی۔ اپنی تقریر میں انہوں نے نتیش پر تبصرہ کرتے ہوئے انہیں بہار کے 'جنگل راج کے بادشاہ' قرار دیا۔ ساتھ ہی بی جے پی کے سابق صدر نے یہ بھی اعلان کیا کہ بہار کو فوری طور پر مخلوط حکومت سے آزاد کیا جائے۔
یہ بھی پڑھیں:Major Setback For TMC: اقلیتی اکثریت حلقے ساگردیگھی میں شکست ترنمول کانگریس کیلئے مایوس کن
ٹی ایم سی کی رکن پارلیمان کا کہنا ہے کہ ملک کی موجودہ موجودہ صورتحال کے لئے ایک ہی سیاسی جماعت ذمہ دار ہے۔ اس کے لئے ایک قانون ہونا چاہئے تاکہ اس طرح کے واقعات پر فورا قابو پایا جا سکے۔ مہوا نے بلقیس کا نام لئے بغیر اس کا معاملہ اٹھایا۔ گجرات فسادات کے دوران ایک خاتون کے ساتھ جو کچھ بھی ہوا، ان کے خاندان کے کئی افراد بھی مارے گئے، لیکن کیا ہوا۔ اس واقعے میں 11 افراد کو قصوروار قرار دیا گیا تھا۔ ریاستی حکومت نے ان 11 عمر قید کے مجرموں کو گزشتہ سال گجرات اسمبلی انتخابات سے چند ماہ قبل رہا کیا تھا۔ یہ سب کیا ہے؟ ان سب باتوں کے لئے جواب دینا ہوگا۔
