مغربی بنگال میں گزشتہ بدھ کی صبح سے شروع ہونے والا بارش کا سلسلہ اب تک جاری ہے۔ اس سے عام زندگی مفلوج ہو کر رہ گئی ہے۔
ریاست کے مختلف اضلاع میں گزشتہ چوبیس گھنٹوں سے جاری بارش کے سبب جنوبی 24 پرگنہ، شمالی 24 پرگنہ، ہوڑہ، ہگلی اور ندیا میں عام لوگوں کو پریشانیوں کا سامنا کرنا پڑ رہا ہے۔
جنوبی 24 پرگنہ کے سونار پور راج پور میونسپلٹی علاقے میں بارش کا پانی جمع ہونے پر مقامی باشندوں نے احتجاج کرتے ہوئے سڑک کی ناکہ بندی کردی۔
مقامی باشندوں کا کہنا ہے کہ نکاسی نظام ابتر ہونے کے سبب ہر سال مانسون میں علاقوں میں بارش کے گندے پانی بھر جانے سے بڑی دشواریوں کا سامنا کرنا پڑتا ہے۔
انہوں نے کہا کہ مانسون کی شروعات ہے اور ابھی سے ہی بارش کے پانی سے بیشتر زیر آب ہو چکا ہے۔ بارش کا پانی نکلنے میں کئی دن لگ جاتا ہے۔
میونسپلٹی کی جانب سے پانی نکالنے کا کام صحیح طریقے سے نہیں کیا جاتا ہے۔
مغربی بنگال علی پور محکمہ موسمیات(west bengal metrological department ali pur) کے مطابق اگلے چند دنوں تک بارش کا سلسلہ جاری ہے۔
جنوبی بنگال میں زیادہ بارش ہونے کا امکان ہے۔
ذرائع کے مطابق مغربی بنگال مانسون کی دستک ہو چکی ہے ۔ اسی وجہ سے بارش شروع ہوئی ہے۔
سونار پور راج پور میونسپلٹی کے انجینئر سمیر سین کا کہنا ہے کہ لاک گیٹ کھولا گیا ہے لیکن ندی میں پانی کی سطح زیادہ ہونے کی وجہ سے بارش کا پانی نکلنے میں وقت لگ سکتا ہے۔
دوسری طرف علی پور محکمہ موسمیات نے بتایا کہ سنچر تک موسم میں تبدیلی کا کوئی امکان نہیں ہے۔ بارش میں شدت آئے گی
جنوبی 24 پرگنہ، شمالی 24 پرگنہ، ہوڑہ، ہگلی سمیت مختلف اضلاع میں زرد الرٹ جاری کیا گیا ہے.
