مغربی بنگال میں بی جے پی کے ریاستی صدر دلیپ گھوش نے آج کہا کہ ریاستی حکومت کی ووٹ بینک پالیسی کے سبب سکیورٹی خطرے میں پڑ گئی ہے۔
انہوں نے کہا کہ مغربی بنگال کی زیادہ تر سرحدیں بنگلہ دیش سے جڑے ہونے کے سبب روہنگیا اور بنگلہ دیشی شہری بڑے پیمانے پر غیر قانونی طور پر بنگال میں داخل ہو گئے ہیں۔
بی جے پی کے ریاستی صدر دلیپ گھوش نے کہا کہ انتخابی کمیشن کی جانب سے جاری ہونے والی ووٹرز لسٹ میں پانچ سے چھ لاکھ جعلی ووٹرز کے نام شامل کیے گئے ہیں۔
انہوں نے کہا کہ پہلے لفٹ فرنٹ اور اب ترنمول کانگریس غیر قانونی طور پر مغربی بنگال میں رہنے والے روہنگیا مسلمانوں اور بنگلہ دیشیوں کو ووٹ بینک کے طور پر استعمال کررہی ہے۔
بی جے پی کے رہنما دلیپ گھوش نے ووٹرز لسٹ میں رہنگیا اور بنگلہ دیشیوں کے نام شامل کیے جانے کی انتخابی کمیشن سے شکایت کی ہے۔ جس میں انہوں نے انتخابی کمیشن سے اس ضمن میں جلد از جلد سخت کارروائی کرنے کا مطالبہ کیا ہے۔
انہوں نے کہا کہ بی جے پی کے اقتدار میں آتے ہی بھارت بنگلہ دیش سرحدوں پر فینشنگ کا کام شروع کیا جائے گا تاکہ رہنگیا اور بنگلہ دیشیوں کو غیر قانونی طور پر مغربی بنگال میں داخل ہونے سے روکا جا سکے۔
