مغربی بنگال میں آئندہ منعقد ہونے والے اسمبلی انتخابات 2021 کی تاریخ جوں جوں قریب آ رہی ہے، ریاست کی سیاسی سرگرمیوں میں اضافہ ہو رہا ہے۔ عوام بھی اب رہنماؤں کے بارے میں کھل کر باتیں کرنے لگے ہیں۔
ویڈیو
ای ٹی وی بھارت کے نمائندہ نے اسمبلی انتخابات کے پیش نظر کولکاتا میں واقع ملک بازار کا دورہ کیا اور مقامی لوگوں سے گفتگو کی۔ اس دوران مقامی باشندوں نے ریاست کی موجودہ صورتحال اور اسمبلی انتخابات 2021 کو لے کر کھل کر بات کی۔
اس دوران کسی نے ترنمول کانگریس کی حمایت میں بات کی تو کسی نے بی جے پی کی حکومت بنانے کی تائید کی تو کسی نے ترنمول کانگریس کی حمایت کی۔ اسمبلی انتخابات سے متعلق کہا کہ اس مرتبہ حالات مختلف ہیں۔ اسمبلی انتخابات سے قبل کچھ بھی کہنا مشکل ہے۔
کچھ لوگوں نے کہا کہ 'بی جے پی سمیت دیگر اپوزیشن جماعتوں کی کوشش جاری ہے لیکن حکومت ترنمول کانگریس کی ہی بنے گی۔ ریاست کے عوام ممتا بنرجی کو تیسری مرتبہ اقتدار میں لانے کا من بنا چکے ہیں۔'غور طلب ہے کہ اسمبلی انتخابات سے قبل سی ووٹر کی سروے رپورٹ میں تیسری مرتبہ ممتا بنرجی کی قیادت حکومت بنانے کی بات کہی گئی ہے لیکن اس کے ساتھ ساتھ حکمراں جماعت کی سیٹز کے نقصان ہونے کی بھی بات کہی گئی ہے۔
واضح رہے کہ مغربی بنگال میں 294 سیٹوں کے لئے اسمبلی انتخابات اس مرتبہ آٹھ مراحل میں ہوں گے۔ 27 مارچ کو پہلے مرحلے میں ووٹ ڈالے جائیں گے۔ الیکشن کمیشن نے اسمبلی انتخابات کے لئے سکیورٹی کے سخت انتظامات کئے ہیں۔ ریاست کے تمام اضلاع میں مرکزی فورسز کو تعینات کرنے کا فیصلہ کیا ہے۔
