مغربی بنگال کے گورنر جگدیپ دھنکر رامپور ہاٹ سانحہ پر ممتابنرجی کی قیادت والی ریاستی حکومت پر تنقید کرنے کا کوئی موقع ہاتھوں سے جانے نہیں دینا چاہتے ہیں۔
سلی گوڑی میں بارڈر سیکیورٹی فورسز کی ایک تقریب کے دوران گورنر جگدیپ دھنکر نے رامپور ہاٹ سانحہ پر ممتابنرجی کی حکومت کو ایک بار پھر ہدف تنقید بنایا۔
گورنر جگدیپ دھنکر نے کہاکہ مغربی بنگال حکومت کو معاوضہ دینے کے بجائے رامپور ہاٹ سانحہ سے سبق حاصل کرنا چاہیے تاکہ مستقبل میں اس طرح کے واقعے دوبارہ رونما پیش نہ ہو۔'
گورنر جگدیپ دھنکر نے کہاکہ رامپور ہاٹ سانحہ پیش آنا مغربی بنگال کی حکومت کی آنکھیں کھولنے کے لیے کافی ہے۔ اگر اس واقعے سے کوئی سبق حاصل نہیں کیا گیا تو مستقبل میں کچھ بھی ہو سکتا ہے۔ واقعہ ہمارے لیے ایک سبق ہے۔'
انہوں نے کہاکہ' رامپور ہاٹ سانحہ میں دس لوگوں کی موت سے ریاست کے سیکیورٹی انتظامات پر سوال اٹھنے لگا ہے۔ سیکیورٹی انتظامات میں کوتاہی کی وجہ سے یہ واقعہ پیش آیا۔ اگر پولیس انتظامیہ وقت پر پہنچتی تو بے گناہ لوگوں کی جان بچائی جا سکتی تھی۔ لیکن ایسا نہیں کیا گیا۔'
ان کا کہنا ہے کہ مغربی حکومت کو پہلے سکیورٹی انتظامات میں بہتری لانے کی کوشش کرنی چاہیے اس کے بعد معاوضہ دینے کا اعلان کرنا چاہیے، معاوضہ دینے سے کچھ نہیں ہوتا۔
ادھیر رنجن چودھری کو رامپور ہاٹ تھانہ کے باگٹی گرام جانے سے روکا گیا
