ریاست مغربی بنگال کے شمالی 24 پرگنہ میں چھٹویں مرحلے کی ووٹنگ کے لئے انتخابی مہم کے آخری دن انڈین سیکولر فرنٹ کے سربراہ پیرزادہ عباس صدیقی نے اپنی پارٹی کے امیدوار کی حمایت میں جلسے سے خطاب کیا۔
انڈین سیکولر فرنٹ کے سربراہ پیرزادہ عباس صدیقی نے ترنمو کانگریس کو بی جے پی کے لئے سیاسی رہنما تیار کرنے والا کارخانہ قرار دیا ہے، عباس صدیقی نے کہا کہ ترنمول کانگریس کی وجہ سے بی جے پی کو ریاست میں قدم جمانے کا موقع ملا ہے اور اس کا خمیازہ عام لوگوں کو بھگتنا پڑ رہا ہے۔
انہوں نے کہا کہ لفٹ فرنٹ اور اس کی حلیف جماعتیں اسکولز و کالجز کے ذریعہ مستقبل کے سیاسی رہنماؤں کو تیار کرکے ملک کو دیتی لیکن ممتا بنرجی کی قیادت والی حکمراں جماعت ترنمول کانگریس ایک ایسی جماعت ہے جو بی جے پی کے لئے رہنما تیار کرتی ہے۔
عباس صدیقی کا کہنا ہے کہ ترنمول کانگریس کے جوڑا پھول کے کارخانے میں کمل پھول کا پروڈکشن ہوتا ہے۔ بی جے پی کو بنگال میں بیٹھے بیٹھائے کئی رہنماء مل گئے.
انہوں نے کہا کہ شھبندو ادھیکاری، راجیب بنرجی، شوبھن چٹرجی، بیساکھی بنرجی، پرابیر گھوش، لاکیٹ چٹرجی سمیت نہ جانے کتنے ہی ترنمول کانگریس کے کارخانے میں سیاسی رہنما بن کر تیار ہوئے بعد میں بی جے پی میں شامل ہو گئے۔
عباس صدیقی کا کہنا ہے کہ ترنمول کانگریس کے رہنما ایسا کام کیونکہ کرتے ہیں جس کے سبب انہیں سی بی آئی کے سامنے حاضری دینی پڑتی ہے۔
انہوں نے کہا کہ ہماری پارٹی عوام کی خدمت کے لئے اسمبلی انتخابات میں حصہ لے رہی ہے، اس سے کوئی فرق نہیں پڑتا ہے کہ کون کیا الزام لگاتا ہے۔
شمالی 24 پرگنہ کے شروپ نگر میں انڈین سیکولر فرنٹ کے جلسے میں ہزاروں لوگوں نے شرکت کی۔
