ریاستی سکریٹریٹ بلڈنگ کی جانب سے جاری نوٹیفکیشن کے مطابق ریاست کے مختلف اضلاع میں تعینات آئی پی ایس افسران کے تبادلے کئے گئے ہیں۔
ذرائع کے مطابق نبنو (سکریٹریٹ بلڈنگ) نے چندنگر میں تعینات آئی پی ایس آفیسر ہمایوں کبیر کو تبادلے کے لئے نوٹیفکیشن جاری کیا گیا تھا۔ اس کے بعد آئی پی ایس آفیسر ہمایوں کبیر نے ذاتی وجوہات کا حوالہ دے کر اپنے عہدے سے استعفیٰ دینے کی اطلاع نبنو کو دی۔
اطلاعات کے مطابق ان کی جگہ گورو شرما کو چندن نگر کمشنریٹ کا کمشنر مقرر کیا گیا ہے۔ وہ اس سے پہلے جوائنٹ کمشنر (اسٹبلشمنٹ ) کے عہدے پر کام کر چکے ہیں۔ گورو شرما ایک قابل اور تجربہ کار آفیسر ہیں۔ اس کے علاوہ وہ ڈی آئی جی رینک کے ایک آئی پی ایس آفیسر ہیں۔
وہیں نبنو نے ہمایوں کبیر کے استعفیٰ دینے کی وجہ ذاتی بتایا ہے. دیگر آئی پی ایس افسران کے تبادلے کو روٹین ٹرانسفر قرار دیا ہے۔
یہ بھی پڑھیں: دہلی میں اسرائیلی سفارت خانہ کے باہر دھماکہ
واضح رہے کہ گزشتہ چند مہینوں کے دوران ریاست میں آئی پی ایس افسران، ڈبلو بی ایس اور آئی اے ایس افسران کے بڑے پیمانے پر تبادلے ہوئے ہیں۔
