مرکزی بین وزارتی ٹیم جو ایک عشرے سے زاید وقت تک مغربی بنگال کے سات اضلاع میں کورونا وائرس سے نمٹنے کیلئے ریاستی حکومت کی تیاریوں، لاک ڈاؤ ن کی صورت حال اوردیگر تیاریوں کا جائزہ لینے کے بعد بین وزارتی مرکزی ٹیم کے سربراہ اپوروا چندرا نے کہا ہے کہ مغربی بنگال میں کورونا وائرس سے مرنے والوں کی شرح 12.8فیصد ہے۔
دہلی روانہ ہونے سے قبل چندرا نے اپنے ریاستی چیف سیکریٹری اپوروا چندر کو خط لکھتے ہوئے کہا ہے کہ ملک بھر میں سب سے زیادہ بنگال میں کورونا وائرس سے مرنے والوں کی شرح ہے۔یہ ثابت کرتا ہے کہ ریاست میں کم جانچ ہوئے ہیں، کورونا وائرس کے مریضوں کی شناخت اور نگرانی میں کوتاہی برتی گئی ہے۔
چندر ا نے کہا کہ مغربی بنگال حکومت کی جانب سے جاری ہونے والے بلیٹن اور مرکزی حکومت کی جانب سے جاری ہونے والے بلیٹن میں کورونا وائرس کے مریضوں کی تعداد میں نمایاں کمی ہے۔
دو ہفتے تک دو مرکزی بین وزارتی ٹیم نے کلکتہ کے ساتھ اضلاع کلکتہ، شمالی24پرگنہ،ہوڑہ، مشرقی مدنی پور، کالمپونگ، جلپائی گوڑی اور دارجلنگ کا دورہ کرنے کے بعد مرکزی ٹیم قومی راجدھانی دہلی لوٹ چکی ہے۔اس درمیان ٹیم کے دورے کو لے کر سیاسی بیانات بھی خوب ہوئے اور ایک دوسرے کی تنقید کی گئی۔
