مغربی بنگال کے مالدہ ضلع کے انگریز بازار علاقے میں سڑکوں پر غیر قانونی پارکنگ اور فٹ پاتھ پر دکان لگانے والے سبزی فروشوں کے خلاف پولیس کی کارروائی سے کشیدگی Tensions over Police Action پھیل گئی۔
پولیس اور انگریز بازار میونسپل ایڈمنسٹریٹو بورڈ Municipal Administrative Board کے سربراہ کی نگرانی میں انگریز بازار سے متصل قومی شاہراہ کے قریب غیر قانونی پارکنگ اور فٹ پاتھ پر دکان لگانے والے سبزی فروشوں Vegetable Vendors Setting Up Shop on The Sidewalk کے خلاف کارروائی کی گئی۔
انگریز بازار میونسپل ایڈمنسٹریٹو بورڈ کے سربراہ آسیش منڈل نے کہا کہ قومی شاہراہ اور اس سے متصل سڑکوں کے کنارے غیر قانونی پارکنگ اور فٹ پاتھ پر دکان لگانے والوں کے خلاف مہم چلائی جا رہی ہے۔
یہ بھی پڑھیں:Car Parking in GMC Anantnag: جی ایم سی کے لئے جلد ہی ایک مخصوص کار پارکنگ شروع ہوگی
انہوں نے کہا کہ ٹریفک نظام اور آمدورفت کو بہتر بنانے کے لئے غیر قانونی پارکنگ کے خلاف مہم چلائی جا رہی ہے۔ غیر قانونی پارکنگ سے ٹریفک نظام پوری طرح سے متاثر ہوتی ہے۔ اس سے عام لوگوں کو بڑی دشواریوں کا سامنا کرنا پڑتا ہے۔
ان کا کہنا ہے کہ سبزی فروشوں اور دکانداروں کو بھی فٹ پاتھ سے ہٹانے کے لئے کارروائی کی جا رہی ہے۔ فٹ پاتھ عام لوگوں کے لئے ہے نا کہ سبزی فروخت کرنے اور دکان لگانے کے لئے ہے۔
انگریز بازار تھانے کے او سی ٹریفک شانتی ناتھ پانجا نے کہا کہ گزشتہ 24 گھنٹوں سے غیر قانونی پارکنگ کے خلاف کارروائی کی جا رہی ہے۔ اب تک 23 سے 25 گاڑیوں کے مالکوں کے خلاف چالان کاٹا گیا ہے۔
