مغربی بنگال کی حکمراں جامعت ترنمول کانگریس کے رہنما اور سابق مئیر سوبھن چٹرجی نے آج ترنمول کانگریس میں واپسی کے سوال پر کہا کہ وقت آنے پر پتہ چل جائے گا کہ میں کدھر جاؤں گا۔
ملی الامین کالج کے موجودہ صورتحال پر ایک پریس کانفرنس کے دوران بیشاکھی بنرجی کے ساتھ سوبھن چٹرجی بھی موجود تھے جہاں گزشتہ 23 جولائی کو ترنمول کانگریس کے جنرل سکریٹری پارتھو چٹرجی اور سوبھن چٹرجی کے درمیان ہوئی میٹنگ پربات چیت کی گئی۔
اس میٹنگ کے متعلق بتایا کہ گزشتہ 23 جولائی کو پارتھو چٹرجی ان کے گھر آئے اور پارتھو چٹرجی نے میرے ساتھ رہے ہیں اور ایک ہی پارٹی میں تھے۔
اسی لئے مجھے ان کا گھر آنے پر کوئی اعتراض نہیں ہے۔اس دن ان کے ساتھ کافی دیر تک باتیں ہوئیں ۔اس دن بیشاکھی بنرجی بھی موجود تھی۔
بیشاکھی بنرجی کے مسئلے پر بھی بات ہوئی تھی ۔انہوں نے خود وعدہ کیا تھا کہ بیشاکھی بنرجی کی ذمہ داری ان کی ہے۔ کچھ نہیں ہوگا۔ ان کو نہیں ہٹایا جائے گا۔
لیکن اس کے بعد بھی ان کو قدم قدم پر ذلیل کیا جا رہا ہے ۔اس کے بعد انہوں نے کہا کہ وہ کدھر جائیں گے ان کا فیصلہ کیا ہوگا ۔اس کا فیصلہ وقت آنے پر ہوگا۔
انہوں نے مزید کہا کہ کہ اس دن میٹنگ میں ایسی کوئی بات نہیں ہوئی تھی کہ پارٹی میں واپسی نہ کرنے پر بیشاکھی بنرجی کو نوکری سے ہاتھ دھونا پڑے گا۔
