آئندہ 24 گھنٹوں میں مغربی بنگال کے پانچ اضلاع شدید بارش کا امکان

مغربی بنگال کے شمالی علاقے میں مسلسل تیز بارش سے سیلابی صورت حال پیدا ہو چکی ہے۔ دارجلنگ، کالمپونگ اور پہاڑی علاقوں میں پانی بھرا ہوا ہے۔

شمالی بنگال میں ہو رہی مسلسل بارش کا اثر بنگال کے دوسرے علاقوں میں بھی نظر آ رہا ہے۔ دارالحکومت کولکاتا میں بھی وقفہ وقفہ میں بارش ہو رہی ہے۔

محکمہ موسمیات علی پور کے مطابق شمالی بنگال کے پانچ اضلاع دارجلنگ، جلپائی گوڑی، کوچ بہار، کالمپونگ میں مزید 24 گھنٹوں تک شدید بارش ہونے کے امکان ہیں۔

وہیں گذشتہ دو دنوں سے جاری شدید بارش کی وجہ سے کئی اضلاع میں سیلابی صورت حال پیدا ہو گئی ہے۔ کئی جگہوں پر مکانات منہدم ہو گئے۔ سڑکیں اور ریل لائن پانی میں ڈوبی ہوئی ہیں۔ تیستا ندی کا پانی روڈ تک آ گیا ہے۔

مسلسل بارش کی وجہ سے ندیوں کی آبی سطح میں مسلسل اضافہ ہو رہا ہے۔ لوگ اپنے اپنے مکانوں میں قید ہیں۔ علی پور محکمہ موسمیات کے مطابق آئندہ 24 گھنٹوں میں مزید شدید بارش ہونے کا امکان ہے۔

محکمہ موسمیات کے اہلکار سورش دیب نے کہا کہ شمالی بنگال کے علاوہ جنوبی بنگال کے اضلاع میں بھی درمیانہ درجے کی بارش ہوگی۔ کولکاتا شہر میں بھی آئندہ 24 گھنٹوں میں بارش ہوتی رہے گی۔ 22 اکتوبر کے بعد سے درجہ حرارت میں دو ڈگری تک کمی آ سکتی ہے۔