Howrah violence: ہوڑہ تشدد معاملے میں گورنر نے ممتا حکومت کی سرزنش کی

ہوڑہ ضلع کے بیشتر علاقوں میں گذشتہ روز پیش آئے تشدد کے واقعات کے بعد گورنر جگدیپ دھنکر نے مغربی بنگال حکومت کی شدید سرزنش کی لگاتے ہوئے قصورواروں کو جلد از جلد گرفتار کرنے کی ہدایت دی۔ Howrah violence

کولکاتا: مغربی بنگال کے دارالحکومت کولکاتا سے متصل ہوڑہ ضلع کے مختلف علاقوں میں گزشتہ ورز ہوئے پرتشدد واقعات کے بعد گورنر جگدیپ دھنکر نے مغربی بنگال حکومت کی شدید سرزنش کرتے ہوئے قصورواروں کو جلد از جلد گرفتار کرنے کی ہدایت دی ہے۔ Howrah violence

ہوڑہ تشدد معاملے میں گورنر جگدیپ دھنکر نے مغربی بنگال حکومت کو پھٹکار لگائی

گزشتہ روز ہوڑہ ضلع میں نبیﷺ کے خلاف نازیبا تبصرہ کرنے والے نپور شرما اور نوین جندل کے خلاف احتجاج کے دوران ہوڑہ ضلع کے البیڑیا، جگت بلبھ پور، ڈومجور اور پانچلا میں واقع کئی مکانات اور دکانوں میں توڑ پھوڑ کے واقعے پیش آئے تھے۔

اس حوالے سے آج گورنر جگدیپ دھنکر نے ایک ٹویٹ کے ذریعے کہا کہ ہوڑہ ضلع میں جو کچھ بھی ہوا ہے، اس سے عام لوگ متاثر ہوئے ہیں۔ تاہم ریاستی حکومت حالات پر قابو پانے میں ناکام رہی۔ اسی وجہ سے لوگوں کو قانون کی خلاف ورزی کرنے کا موقع مل گیا۔ انہوں نے کہا کہ اس پورے معاملے کو سنجیدگی سے لیتے ہوئے ریاستی حکومت فورا کارروائی کرے۔