ممتا بنرجی کی قیادت والی حکمراں جماعت ترنمول کانگریس بی جے پی سے پہلے ہی پریشان تھی کہ اس کے سامنے فرفرہ شریف کے پیرزادہ عباس صدیقی نے نئی سیاسی جماعت انڈین سیکولر فرنٹ کا اعلان کرکے ایک نیا چیلنج کھڑا کر دیا ہے۔
مشہور زیارت گاہ فرفرہ شریف کے پیرزادہ عباس صدیقی نے آج اپنی نئی سیاسی جماعت انڈین سیکولر فرنٹ کا اعلان کر دیا ہے۔عباس صدیقی نے نوشاد صدیقی کو اپنی نئی سیاسی جماعت انڈین سیکولر فرنٹ کا چیرمین مقرر کیا ہے۔
انہوں نے کہا کہ ہماری نئی سیاسی جماعت انڈین سیکولر فرنٹ واقعی سیکولر ہے۔ ہماری پارٹی میں تمام مذاہب کے لوگوں کا استقبال ہے۔
نئی سیاسی جماعت کے سربراہ عباس صدیقی پہلے ہی آل انڈیا مجلس اتحاد المسلمین کے سربراہ اسدالدین اویسی کے ساتھ مشترکہ طور اسمبلی انتخابات لڑنے کا اعلان کر چکے ہیں۔
فرفرہ شریف کے پیرزادہ عباس صدیقی نے بائیں محاذ اور کانگریس کے ساتھ اتحاد کا مثبت اشارہ پہلے ہی دے چکے ہیں۔
فرفرہ شریف کے پیرزادہ عباس صدیقی کی نئی پارٹی کے انتخابی میدان میں آنے کے بعد مغربی بنگال کے 31 فیصد مسلمانوں کے ووٹ تقسیم ہونے کا خدشہ ہے۔
مغربی بنگال میں فرفرہ شریف درگاہ کی اپنی اہمیت ہے۔ریاست کے مالدہ،شمالی دیناج پور،جنوبی دیناج پور، مرشدآباد، شمالی 24 پرگنہ، جنوبی 24پرگنہ اور مدنی پور کے علاوہ دیگر اضلاع میں بنگالی مسلمانوں پر گہرا اثر ہے۔
مغربی بنگال کے 60 سے 70 اسمبلی حلقوں کے نتائج فرفرہ شریف کے پیرزادہ کے فیصلے پر منحصر ہوتا ہے۔
یہ بھی پڑھیں: اسدالدین اویسی کے بنگال دورے سے سیاسی حلقوں میں ہلچل
