مغربی بنگال کے شمالی 24 پرگنہ کے گارولیا میونسپلٹی کے وارڈ نمبر 7 میں بورڈ آف ایڈمنسٹریٹو کے سربراہ رامن داس اور کوڈینیٹر صفیہ خاتون نے مشترکہ طور پر پینے کے پانی کی قلت Water Shortage In Garulia Municipality کو دور کرنے کے لئے واٹر پمپ کا سنگ بنیاد Foundation Stone of Water pump in Garulia Municipality رکھا۔
اس دوران گارولیا میونسپلٹی کے ایڈمنسٹریٹو رامن داس نے کہا کہ 'کوڈینیٹر صفیہ خاتون کے وارڈ نمبر 7 میں برسوں سے پانی کی قلت تھی، وارڈ کے باشندوں نے علاقے میں واٹر پمپ کا مطالبہ تھا۔ اس کے مدنظر ایک واٹر پمپ کا سنگ بنیاد رکھا گیا ہے جو بیس روز میں مکمل ہو جائے گا۔
ایڈمنسٹریٹو رامن داس نے بتایا کہ 14 سے 15 لاکھ روپے کا یہ منصوبہ ہے، جو دو سے تین ہفتوں کے اندر مکمل ہو جائے گا اور مقامی باشندگان کے پانی کی قلت ہمیشہ کے لیے دور ہوجائے گی۔
صفیہ خاتون نے کہا کہ 'ان کے شوہر مرحوم نے اس کے لئے بڑی کوشش کی تھی لیکن چند دشواریوں اور کورونا وائرس کی وجہ سے یہ منصوبہ التوا رہا۔ اس درمیان ان کے شوہر کا انتقال ہوگیا جس سے اس منصوبے کو تکمیل میں تاخیر ہوئی۔
انہوں نے کہا کہ وارڈ کے باشندوں کی پریشانیوں کو دور کرنا ہماری ذمہ داری ہے اور اس کے لئے ہم ہرممکن کوشش کریں گے۔
