کولکاتا:مغربی بنگال کے مالدہ ضلع کے کالیاچک کے بلاک نمبر 2کے رتھ باڑی گرام پنچایت کے سابق ترنمول کانگریس کے نائب سربراہ افضل مومن (65) کو ایک تنازع میں مار مارکر ہلاک کردیا گیا ہے۔ ببول پٹھان پاڑہ کے علاقے میں پیش آنے والے واقعے سے علاقے میں شدید کشیدگی پھیل گئی ۔ موٹھ باڑی پولیس نے دس افراد کو گرفتار کیا ہے۔
مقامی اور پولیس ذرائع کے مطابق گزشتہ کئی دنوں سے اس علاقے میں اونچی آواز میں ڈی جے بجایا جارہا تھا ۔اس کی وجہ سے لوگ پریشان تھے۔افضل مومن نے منع کرنے کی کوشش کی تو جھگڑا شروع ہوگیا اور ان پر حملہ کردیا گیا ۔اس میں وہ زخمی ہوگئے ۔انہیں فوری طور پر اسپتال پہنچایا گیا مگر ان کی جان نہیں بچ سکی۔ دوسری طرف مغربی بنگال کے شمالی 24 پرگنہ کے نیو ٹاؤن میں واقع عالیہ یونیورسٹی کیمپس کے ایک طالب علم کی سڑک حادثے میں موت کے بعد طلباء کا احتجاج زور پکڑتا جارہا ہے ۔طلباء نے جائے وقوع پر نصب سی سی ٹی وی فوٹیج کو عام کرنے کا مطالبہ کیا ہے لیکن نے ایسا کرنے سے انکار کر دیا ہے ۔
