کانگریس کی سابقہ رکن پارلیمان اور خاتون کانگریس کی صدر سشمیتا دیو (Sushmita Dev) نے آج صبح پارٹی کو الوداع کہہ دیا ہے۔ ٹی ایم سی میں شامل ہونے سے قبل انہوں نے اپنا استعفیٰ کانگریس کی عبوری صدر سونیا گاندھی کو خط لکھ کر دیا۔ حالانکہ انہوں نے پارٹی چھوڑنے کی کوئی وجہ نہیں بتائی۔
سشمیتا دیو (Sushmita Dev) کے ٹوئیٹر ہینڈل میں بدلاؤ کے بعد ایسی قیاس آرائی کی جارہی تھی کہ وہ جلد ہی پارٹی چھوڑ دے گی۔ آج 16 اگست کو انہوں نے ٹوئیٹر ہینڈل پر اپنے منصب کے آگے سابقہ لکھ دیا تھا۔
معلوم ہوکہ سشمیتا دیو آسام، بنگال کے بڑے رہنما سنتوش دیو کی بیٹی ہیں۔ وہ آسام کے سلور حلقے سے رکن پالیمان رہ چکی ہیں۔ سشمیتا کے پارٹی چھوڑنے کے بعد کانگریسی رہنماؤں کے بیان سامنے آنے لگے ہیں۔ کارتی چدمبرم نے کہا کہ پارٹی کو اس پر غور و خوض کرنا ہوگا کیونکہ سشمیتا دیو جیسے لوگ ان کو چھوڑ کر جارہے ہیں۔ وہیں سینئر رہنما کپل سبل نے کہا کہ یووا نیتا کانگریس چھوڑ کر جاتے ہیں اور اس کا الزام سینئر رہنماؤں پر لگتا ہے۔
- مزید پڑھیں: پرنب مکھرجی کے بیٹے ابھیجیت ٹی ایم سی میں شامل
- Sushmita Dev: کانگریس خاتون سیل کی صدر نے سونیا گاندھی کو استعفیٰ سپرد کیا
- مکل رائے کی ٹی ایم سی میں واپسی
- آر ٹی آئی کارکن ساکیت گوکھلے ٹی ایم سی میں شامل
سشمیتا دیو نے اپنے استعفیٰ میں لکھا ہے کہ وہ کانگریس کی رکنیت چھوڑ رہی ہیں۔ آگے لکھتی ہے کہ قریب تیس سال تک کانگریس پارٹی کے لیے کام کرنا ان کے لیے یادگار رہا ہے۔ وہ آگے لکھتی ہیں کہ آگے کا وقت لوگوں کی خدمت میں لگانا چاہتی ہے۔
