کولکاتا:مغربی بنگال میں بلیو ایوی ایشن نامی کمپنی کے دو عہدیدار سمیت مجموعی طور پر 14 افراد کو فراڈ میں ملوث ہونے پر گرفتار کیا گیا ہے۔ اس کے علاوہ، پولیس نے کئی الیکٹرانک گیجٹس اور پرائیوٹ ایئر لائنز کے جعلی دستاویزات برآمد کیے ہیں۔Fake National And International Airport Job Racket Busted In kolkata
پولیس ذرائع کے مطابق، مرشد آباد کے رہنے والے حکیم شیخ نے 19 دسمبر کو بدھان نگر سائبر کرائم پولیس سے شکایت کی کہ انہوں نے ملازمت کے لیے ایک جاب پورٹل پر اپنا بائیو ڈیٹا اپ لوڈ کیا ہے۔ وہاں سے معلوم کرنے کے بعد بلیو ایوی ایشن نامی کمپنی نے اس سے رابطہ کیا۔
کمپنی کی طرف سے انہیں بتایا گیا کہ انہیں ایئرپورٹ پر نوکری دی جائے گی۔ اس کے لئے انہیں ٹرینگ کرنی ہوگی۔کمپنی نے ابتدائی طور پر اس ٹریننگ کے لئے ان سے 10,000 روپے وصول کئے تھے۔ ٹریننگ کے بعد کمپنی پلیسمنٹ کے لئے مزید 50 ہزار روپے جمع کرنے کی ہدایت دی ہے۔ جب اس نے 50,000 روپے جمع کرائے تو انہیں بنگلور ایئرپورٹ کارگو میں نوکری کا آفر لیٹر دیا گیا۔ لیکن وہ بنگلور گیا اور پتہ چلا کہ نوکری فرضی ہے۔ جب وہ کولکاتا واپس آیا اور کمپنی سے رابطہ کیا تو کمپنی کی طرف سے انہیں بتایا کہ انہیں کلکتہ میں ایک پرائیوٹ ایئر لائن میں ملازمت دی جائے گی۔اسیپرائیویٹ ایئر لائن کے نام ایک آفر لیٹر دیا گیا۔
اس کمپنی کے ایک ملازم نے اس سے مزید 50,000 نقد چھین لیے۔ شکایت کنندہ نے ایئر لائن کے دفتر سے رابطہ کیا تو اسے پتہ چلا کہ یہ بھی جعلی آفر لیٹر تھا۔ بلیو ایوی ایشن نامی کمپنی نے ایئرلائن کی دستاویزات میں جعلسازی کرکے جعلی آفر لیٹر بنایا۔ اس کے بعد اس نے لاکھوں روپے کی دھوکہ دہی کی شکایت پر بدھان نگر سائبر کرائم پولیس اسٹیشن میں شکایت درج کرائی۔
تحقیقات شروع کرنے کے بعد پولس کو معلوم ہوا کہ بلیو ایوی ایشن نامی کمپنی مختلف ملازمت کی تلاش کرنے والوں کے ساتھ فراڈکرتی ہے۔بیرون ممالک کے ہوائی اڈے پر نوکری دینے کے نام پر لاکھوں روپے کی رقم لی جاتی ہے۔ اس فراڈ سرکل کا نیٹ ورک کئی ریاستوں بشمول درگا پور، دہلی، ممبئی، ہریانہ بشمول چنار پارک، کاگور گاچھی، کلکتہ کے پارک اسٹریٹ تک میں پھیلا ہوا ہے۔
یہ بھی پڑھیں:TMC MLA Anubrata Mondal انوبرتامنڈل کی جائیداد بیرون ریاست ہونے کا انکشاف
اس کمپنی نے عام لوگوں کو دھوکہ دینے کے لیے کئی پرائیویٹ ایئر لائنز کے جعلی دستاویزات تیار کررکھے ہیں۔ آخر کار، پیر کی رات، بدھ نگر سائبر کرائم پولیس نے اس تنظیم کے دفتر پر چھاپہ مارا۔ بدھان نگر سائبر کرائم پولس نے 14 لوگوں کو گرفتار کیا ہے۔پولیس نے گرفتار افراد سے الیکٹرانک گیجٹس، کسٹمر ڈیٹا، ہارڈ ڈسک، موبائل فون سمیت متعدد جعلی دستاویزات برآمد کئے ہیں۔Fake National And International Airport Job Racket Busted In kolkata
