کولکاتا:مغربی بنگال میں اساتذہ تقرری گھوٹالہ معاملے میں جیل میں بند سابق ریاستی وزیر تعلیم پارتھو چٹرجی نے آج ایک بار پھر خود کو بے گناہ بتاتے ہوئے کہا کہ بطور وزیر اساتذہ کی تقرری میں ان کا کوئی رول نہیں تھا ۔اسکول سروس کمیشن مکمل طور پر ذمہ دار ہے۔انہوں نے کہا کہ ان کے خلاف کوئی ثبوت نہیں ہے ۔
سابق ریاستی وزیر کی خاتون دوست ارپیتا گھوش کے گھر سے بڑے پیمانے پر گزشتہ سال 22جولائی کو نقد رقم برآمد ہونے سے متعلق سوال کے جواب میں پارتھو چٹرجی نے کہا کہ یہ رقم کا کس کا ہے اور کس نے رکھا یہ کام ایجنسی کا ہے۔
خیال رہے کہ گزشتہ سال 22جولائی کو ای ڈی کے ذریعہ طویل پوچھ تاچھ کے بعد ای ڈی کے افسران نے ارپیتا گھوش کے گھر پر چھاپہ مارا اور اس اتنے بڑے پیمانے پر نقد رقم برآمد کیا۔پارتھو چٹرجی گزشہ سال جولائی سے ہی گرفتار ہے ۔جانچ ایجنسیاں انہیں ضمانت دینے کی مخالفت کررہی ہےکہ اس گھوٹالے کی جڑیں کافی گہری ہیں اگر چٹرجی جیسے بااثر سیاست دانوں کو رہا کیاجاتا ہے تو جانچ متاثر ہوسکتی ہے۔پارتھو چٹرجی نے ترنمول کانگریس کے جنرل سیکریٹری ابھیشیک بنرجی کے اضلاع دورے کی حمایت کرتے ہوئے کہا کہ وہ امید کرتے ہیں وہ کامیاب ہوں گے ۔
دوسری طرف سی بی آئی نے آج پارتھا چٹرجی کی ضمانت کی مخالفت کرتے ہوئے کہا کہ بھرتی بدعنوانی کی جڑیں بہت گہری ہیں۔ اگر پارتھا چٹرجی جیسے بااثر لوگوں کو ضمانت مل جاتی ہے تو تفتیش متاثر ہو سکتی ہے۔
