مغربی بنگال کے مختلف اضلاع میں سادگی کے ساتھ عید منائی گئی

مغربی بنگال کے تمام اضلاع میں سادگی کے ساتھ عید الضحٰی کی نماز ادا کی۔ اس دوران کورونا گائیڈ لائن پر بھی سختی عمل کیا گیا۔

ملک کی دوسری ریاستوں کی طرح مغربی بنگال میں بھی حکومت کی جانب سے جاری کورونا گائیڈ لائن پر عمل کرتے ہوئے اقلیتی طبقے کے لوگوں نے بڑی سادگی کے ساتھ عیدالاضحیٰ منائی۔

عیدالاضحیٰ کی نماز ادا کرنے کے بعد ای ٹی وی بھارت سے بات چیت کرتے ہوئے لوگوں نے بتایا کہ کورونا وائرس کی دوسری لہر کی رفعات سست پڑگئی ہے، لیکن وائرس مکمل طور پر ختم نہیں ہوا ہے، لوگوں نے کہا کہ ہمارے سامنے کورونا وائرس کی تیسری لہر سے نمٹنے کا سخت ترین چیلنج درپیش ہے۔وہیں مقصود حسن نام کے ایک شخص نے کہا کہ کورونا ایک بڑا چیلنج ہے. اس سے ہم سب کو مل کر نمٹنے کی ضرورت ہے۔ ایک دوسرے کے تعاون کے بغیر اس کو ختم نہیں کیا جا سکتا ہے۔ان کا کہنا تھا کہ عیدالاضحیٰ کا تہوار احتیاطی تدابیر کے ساتھ منا رہے ہیں، ہر آدمی کورونا گائیڈ لائن پر سختی عمل کر رہا ہے۔مزید پڑھیں:

واضح رہے کہ عید سے تین دن قبل وزیراعلیٰ ممتا بنرجی نے عید کو لے کر گائیڈ لائن جاری کی تھی۔ جس میں کہا گیا تھا کہ 50 سے زائد لوگ عید کی نماز کے لیے جمع نہیں ہو سکتے ہیں۔