رکن اسمبلی نعمت شیخ نے کہا کہ مرشدآباد ضلع میں مدارس کی کوئی کمی نہیں ہے، یہاں ہر علاقے اور محلے میں مدرسے مل جائیں گے۔ ان تمام مدارس میں بچوں کی اچھی خاصی تعداد موجود ہے اور انہیں مناسب سہولیات فراہم کی جاتی ہیں۔
ان کا کہنا ہے کہ ہری ہرپاڑہ کے مدارس کو مزید بہتر اور جدید بنانے کی کوشش جاری ہے، مدارس میں تعلیمی نظام اور سہولیات بہتر ہوں گے تو طلبا کے لیے تعلیم حاصل کرنے کی راہ مزید ہموار ہوگی۔
مزید پڑھیں:Mamata Banerjee: سونیا گاندھی، اروند کجریوال اور جاوید اختر سے ملاقات کریں گی ممتا
انہوں نے کہا کہ مدارس میں پڑھنے والے طلبا کو تمام سہولیات فراہم کرنے کی کوشش کی جارہی ہے اور پہلے بھی کی جاتی تھی اور مستقبل میں بھی جاری رہے گی۔
رکن اسمبلی نے کہا کہ دینی اور دنیاوی تعلیم کی بدولت سماج میں تبدیلی لانے کی ہر ممکن کوشش کرنی چاہئے تاکہ ہمیں ایک بہترین مستقبل مل سکے۔
واضح رہے کہ مرشدآباد، مالدہ اور شمالی دیناج پور میں مدرسہ کی تعلیم عام ہے اور دوسرے اضلاع کے طلبا یہاں تعلیم حاصل کرنے کی غرض سے آتے ہیں۔
