شمالی 24 پرگنہ: مغربی بنگال کے شمالی 24 پرگنہ ضلع کے مسلم اکثریتی لوک سبھا بشیرہاٹ سے ترنمول کانگریس کی رکن پارلیمان نصرت جہاں نے جلسے کو خطاب کرتے ہوئے کہا کہ تعلیم کے بغیر صحت مند سماج کا تصور نہیں کر سکتے ہیں. رکن پارلیمان نصرت جہاں نے کہا کہ تعلیم ترقی سماج کے مضبوط ترین ستون ہے. جس طرح سے تعلیم کی بدولت ہی ایک تہذیب یافتہ سماج کی بنیاد ڈالی جا سکتی ہے ٹھیک اسی طرح اس کے بغیر سماج کی ترقی نا ممکن ہے۔ Education is a Strong Pillar of a Developed Society
یہ بھی پڑھیں:
- Education of Slum Children: دہلی میں یو پی ایس سی کی تیاری کرنے والے نوجوان غریب بچوں کو دے رہے تعلیم
- MP Nusrat Jahan in Rally Against Inflation: رکن پارلیمان نصرت جہاں کی مہنگائی کے خلاف ریلی میں شرکت
انہوں نے کہا کہ اس میں کوئی شک نہیں ہے کہ آج مغربی بنگال تعلیمی میدان میں ملک کی دوسری ریاستوں کے مقابلے بہت آگے ہے. اگر ممتابنرجی کی حکومت مزید دس سے پندرہ برسوں تک رہ جاتی ہے تو ریاست بنگال تعلیم کی دوڑ میں پہلی پوزیشن پر آجائے گی. ان کا کہنا ہے کہ وزیر اعلیٰ ممتا بنرجی کی قیادت والی ریاستی حکومت مغربی بنگال میں تعلیم کو فروغ دینے کے لئے تعلیمی اداروں کی ہر ممکن مدد کر رہیں ہیں. تعلیمی اداروں سے اپیل ہے کہ وہ تعلیم کو گھرگھر تک پہنچانے کے لئے کام کرے تاکہ ہر بچے کو تعلیم مل سکے۔
بشیرہاٹ کی رکن پارلیمان نصرت جہاں کے مطابق وہ وزیراعلیٰ ممتا بنرجی کے ساتھ رتھ یاترا میں شرکت کی. پوجا کرنے کے بعد ناریل پھوڑی. رتھ یاترا میں شرکت کرکے سماج کو مثبت پیغام پہنچنا تھا۔
