کولکاتا:ملک کی دوسری ریاستوں کی طرح مغربی بنگال میں بھی فلسطین کے نہتے مسلمانوں پر اسرائیل کے ظلم و ستم کے خلاف آواز بلند ہونے لگی ہے۔سی پی آئی ایم کی یوتھ ونگ ڈی وائی ایف آئی کی جانب سے نہتے فلسطینوں پر اسرائیل کے حملے کے خلاف احتجاجی جلوس کا اہتمام کیا گیا۔
ڈی وائی ایف آئی کے حامیوں نے دارالحکومت کولکاتا میں واقع امریکی سینٹر کے سامنے اسرائیل کے خلاف جم کر احتجاج کیا۔احتجاجی جلوس میں شامل ڈی وائی ایف آئی کے حامیوں نے اسرائیل کے ظلم وستم کےخلاف صہیونی حکومت مردہ باد کے نعرے لگائے۔
ڈی وائی ایف آئی کے حامیوں کا کہنا ہے کہ غزہ میں نہتے فلسطینوں کے خلاف طاقت کے استعمال پر دنیا کی خاموشی کسی قتل عام سے کم نہیں ہے۔ڈی وائی ایف آئی کے اسرائیل کے خلاف جلوس کو پولیس نے روکنے کی کوشش کی۔مگر مظاہرین نے اسرائیل کے خلاف احتجاج کا سلسلہ جاری رکھا۔
یہ بھی پڑھیں:Israel Palestine Conflict اورنگ آباد میں فلسطین کے حق میں مِلّی اتحاد کا ثبوت
ڈی وائی ایف آئی کے حامیوں کا کہنا ہے کہ اسرائیل نے بربریت کی تمام حدیں پار کر چکا ہے۔وہ جنگی جرائم کا مجرم ہے۔اقوام متحدہ کو اسرائیل کے خلاف سخت ترین کارروائی کرنی چاہئے تاکہ انسانیت کے قتل عام کو روکا جا سکے۔انہوں نے مزید کہاکہ اسرائیل کے خلاف احتجاج کا سلسلہ آگے بھی جاری رہے گا،
