ڈرونڈ کپ 2019 کے گروپ سی میں کھیلے گیے ایک اہم میچ میں رئیل کشمیر ایف سی نے آر می گرین کو یکطرفہ مقابلے میں چارصفر سے شکست دے کر لگاتار دوسری جیت درج کی ۔
اس جیت کی بدولت رئیل کشمیر ایف سی کی ٹیم اپنے گروپ سی دو میچوں میں چھ پوائنٹ کے ساتھ پہلی پوزیشن پر ہے اور سیمی فا ئنل میں کوالیفا ئی کرنے کی دوڑ میں سے آ گے ہے۔
مغر بی بنگال کے ضلع ندیا میں واقع کلیانی میونسپل اسٹیڈیم میں کھیلے گیے میچ میں رئیل کشمیر ایف سی نے شاندار کھیل کامظاہرہ کر تے ہوئے آرمی گرین کو آ ؤٹ کلاس کردیا۔
کھیل کے تیسرے منٹ پر ہی چیشٹرپول لنگدھو نے گول کرکے رئیل کشمیرکو ایک صفر کی سبقت دلائی۔ کھیل کے 34 ویں منٹ پر سنگھم سبھاش سنگھ نے گول کرکے رئیل کشمیر ایف سی کی سبقت 0۔2 کردی۔
پہلے ہاف کے اختتام سے قبل چیسٹر پول لنگدھو نے ایک اور گول کرکے رئیل کشمیر ایف سی کو 0۔3 کی سبقت دلائی۔ اس میچ میں چیسٹرپول لنگدھو کا یہ دوسرا گول تھا۔
دوسر ے ہاف میں بھی رئیل کشمیر ایف سی کی شاندار کار کردگی کاسلسلہ جاری رہا۔اور کھیل کے انجوری ٹائم میں کھیدیم وکی میتائی نے گول کرکے رئیل کشمیرکی جیت پر مہرلگادی۔
