سہیل کے دوگول کی بد ولت موہن بگان نے رئیل کشمیر ایف سی کو یطرفہ میچ میں ایک کے مقابلے تین گول سے شکست دے کر ڈرونڈ کپ 2019 کے فا ئنل میں شاہانہ داخلہ لے لیا۔موہن بگان اور گوکھلم کیرالہ ایف سی کے درمیان خطابی مقابلہ ہوگا۔
سالٹ لیک اسٹیڈیم میں کھیلے گیے دوسر ے سیمی فائنل میں موہن بگان اور رئیل کشمیر ایف سی کی ٹیموں کے درمیان دلچسپ مقابلہ ہوا۔دونوں ٹیموں نے جارحانہ انداز میں کھیل کااغاز کیا۔
دونوں ٹیموں کے درمیان ایک دوسرے پر سبقت حاصل کرنے کے لیے زبردست مقابلہ ہوا۔ دونوں جانب سے پے درپے حملوں کاسلسلہ جاری رہا۔
کھیل کے42 ویں منٹ پر سلوا نے گول کرکے موہن بگان کو ایک صفر کی سبقت دلا ئی۔ رئیل کشمیر ایف سی کی ٹیم اسکوربرابر کرنے میں ناکام رہی۔
دوسرے ہاف میں بھی دونوں ٹیموں کے درمیان دلچسپ مقابلہ ہوا۔رئیل کشمیر ایف سی کواسکور برابر کرنے کی پوری کوشش کی اور کھیل کے مقررہ کے اختتام سے قبل کریزو نے گول کرکے اسکور برابر کردیا۔
کھیل کے اکسٹرا ٹائم کے 92 ویں منٹ پر سہیل نے گول کرکے موہن بگان 1۔2 کی سبقت دلا ئی۔112 ویں سہیل نے ایک اور گول کرکے نہ صرف اپنی ٹیم کو 1۔3 گول کی سبقت دلائی بلکہ فائنل میں رسائی کی راہ بھی ہموار کردی۔
