مغربی بنگال کے دارالحکومت کولکاتا سے متصل ضلع ہوڑہ کے ڈراما اداکار جے راج بھٹاچاریہ کی قیادت میں فنکاروں نے کسانوں کی تحریک کی حمایت میں کولکاتا سے دہلی جانے کا فیصلہ کیا۔
اداکار جے راج بھٹاچاریہ کی قیادت میں فنکاروں کی یہ ٹیم ہوڑہ ضلع سے روانہ ہوئی اور بردوان ضلع کے درگاپور پہنچی۔
درگاپور سٹی سینٹر کے سامنے سینکڑوں لوگوں نے فنکاروں کی اس ٹیم کا شاندار استقبال کیا۔ لوگوں نے انہیں تمام تر مدد فراہم کی۔
فنکاروں کی یہ ٹیم آسنسول سے قومی شاہراہ سے گزرتے ہوئے دہلی پہنچے گی جہاں کسان گزشتہ ایک ماہ کسان بل کے خلاف احتجاج کر رہے ہیں۔
ڈراما اداکار جے راج بھٹاچاریہ نے اس مہم کا نام راستہ دیا گیا ہے۔ انہوں نے کہا کہ مشکل سے مشکل مسائل کے حل کے لئے مناسب راستے کی تلاش کرنی پڑتی ہے۔
جے راج بھٹاچاریہ کا کہنا ہے کہ جو لوگ گزشتہ ایک مہینے سے دہلی میں احتجاج کر رہے ہیں۔ ان کی پر یشانیوں کو سمجھنے کی ضرورت ہے۔ ہزاروں کسان اپنا گھر بار سب کچھ چھوڑ کر دہلی میں ہیں۔
انہوں نے کہا کہ کسانوں کے اس احتجاج میں خواتین، معمر افراد اور بچے بھی شامل ہیں۔ ان کے جذبے کو سلام کرنا چاہیے۔ عام لوگوں کو بھی کسانوں کی حمایت میں آگے آنے کی ضرورت ہے۔آخر اس میں کچھ تو ہے۔
مزید پڑھیں:
ہماری جدوجہد جاری رہے گی: ٹکیت
انہوں نے کہا کہ ایک مہینے کے احتجاج کے دوران متعدد کسانوں کی موت ہو چکی ہے۔ کوئی یوں ہی جان نہیں دے سکتا ہے۔
