دلیپ گھوش کی وزیراعلیٰ ممتا بنرجی پر تنقید

بی جے پی کے ریاستی صدر دلیپ گھوش نے گورنر جگدیپ دھنکر کو ہدف تنقید بنانے پر وزیراعلیٰ ممتا بنرجی کو ہدف تنقید کا نشانہ بنایا۔

مغربی بنگال میں ترنمول کانگریس کی سربراہ ممتا بنرجی اور گورنر جگدیپ دھنکر کے درمیان ریاست کی موجودہ سیاسی صورتحال پر تنازعہ جاری ہے۔

اس کے پیش نظر بی جے پی کے ریاستی صدر دلیپ گھوش نے وزیراعلیٰ ممتا بنرجی پر خوب بھڑاس نکالی اور کہا کہ حکومت اپنے کاموں پر توجہ دے تو ریاست اور عوام دونوں کی ترقی ہو سکتی ہے۔

دلیپ گھوش کا ممتا بنرجی پر تنقید

انہوں نے کہا کہ گورنر جگدیپ دھنکر پر تنقید کرنے سے ریاست کو کیا فائدہ ہو سکتا ہے، جس کام سے عوام کے حق میں فائدہ نہ ہو اسے کرنے کی کیا ضرورت ہے۔ بی جے پی کے رکن پارلیمان کا کہنا ہے کہ دس سال سے ریاست میں ترنمول کانگریس کی حکومت ہے لیکن آج تک شہر میں نکاسی نظام کو بہتر بنانے کے لئے کوئی ٹھوس اقدام نہیں کیا گیا۔

دلیپ گھوش کا ممتا بنرجی پر تنقید

دلیپ گھوش نے کہا کہ 24 گھنٹوں کی بارش کے سبب کولکاتا اور متصل اضلاع جنوبی 24 پرگنہ، شمالی 24 پرگنہ اور ہوڑہ کے بیشتر علاقے زیر آب ہیں۔ لوگوں کا برا حال ہے، لیکن حکومت کو اس کی کوئی پرواہ نہیں ہے۔