مالدہ: مغربی بنگال کے مالدہ ضلع کے ہریش چندر پور سے رکن اسمبلی اور ریاستی وزیر تجمل حسین نے وزیراعلی ممتا بنرجی کی انتظامی میٹنگ میں دعویٰ کیا تھا کہ ان کے علاقے میں کوئی مسئلہ نہیں ہے۔ممتا بنرجی سے بجلی کے چند کھمبے لگانے کی اجازت مانگی۔ تاہم مقامی باشندوں کو شکایت ہے کہ ہریش چندر پور میں انگنت مسائل ہیں۔ وزیر نے ان مسائل کو حل کرنے میں کبھی دلچسپی نہیں دیکھائی۔
مقامی باشندے وزیر تجمل حسین سے سخت ناراض ہیں۔ ہریش چندر پور خستہ حال سڑک اور پینے کے پانی کے مسئلہ کی شکایت میں پہلے نمبر پر ہے۔بلاک کے لکشمن پور میں مقامی لوگوں نے نیشنل ہائی وے نمبر 81 قومی شاہراہ کی ناکہ بندی کر دی۔ مقامی لوگوں نے دھمکی دی ہے کہ مسئلہ حل کیے بغیر ووٹ مانگنے آئے تو وزیر کے خلاف بڑے پیمانے پر احتجاج کیا جائے گا۔
وزیر تیجمل حسین کو انتظامی اجلاس میں صرف بجلی کے کھمبے مانگنے پر مقامی لوگوں نے ہدف تنقید بنایا۔وزیر کو سوشل میڈیا پربھی ٹرول کیا گیا۔ مقامی باشندوں نے پنچایت انتخابات سے قبل مسئلہ حل نہ ہونے پر انتخابات کے بائیکاٹ کی دھمکی دی۔
یہ بھی پڑھیں:Thunder And Lightening In Bengal مغربی بنگال میں موسلادھار بارش اور طوفان،دو لوگوں کی موت
محمد اسد علی نام کے ایک مقامی باشندہ نے بھی شکایت کی کہ پورا علاقہ طویل عرصے سے سڑک اور پینے کے پانی کے مسائل سے دوچار ہیں۔کسی نے مسئلہ حل کرنے کا نہیں سوچا۔ وزیر تجمل حسین کا گھر اس علاقے سے صرف 2 کلومیٹر کے فاصلے پر ہے۔ لیکن، وہ کبھی لکشمن پور نہیں آئے اور نہ ہی کبھی علاقے کے مسائل کو دیکھا۔
