کولکاتا: مغربی بنگال سی پی ایم کے سکریٹری محمد سلیم نے وزیر اعلیٰ ممتا بنرجی کے اس موقف میں تبدیلی پر کہا کہ ترنمول کانگریس پارٹی کی سیاسی ساکھ ان گھوٹالوں کے بعد متاثر ہوئی ہے۔ بنگا ل کے عوام ان کی بدعنوانی اور غنڈہ گردی سے تنگ آچکے ہیں۔ ترنمول کانگریس کے پاس نہ کوئی اصول ہے اور نہ ہی اس کا کوئی موقف ہے۔ انہوں نے کہا کہ ریاست کی موجودہ صورتحال کی وجہ سے ممتا خوف سے دوچار ہیں۔ ماضی میں انہوں نے کانگریس کو شکست دینے کے لیے بی جے پی کا آڑے ہاتھوں لیا۔ اب وہ اس کے برعکس کرنے کی کوشش کر رہی ہیں۔
ان کا کہنا ہے کہ مغربی بنگال میں ہونےو الے انتخابات میں ترنمول کانگریس کی شکست یقینی ہے۔ اس کے لئے مرکزی فورسز کی تعیناتی ضروری ہے۔ پُرامن انتخابات ترنمول کانگریس کی شکست کی وجہ بن سکتی ہے۔ ترنمول کانگریس کو بی جے پی کی بی ٹیم قرار دیتے ہوئے سینئر کانگریی لیڈر عبدالمنان نے کہاکہ وہ اب کانگریس کو توڑ کر پارٹی بنا کر کانگریس کے پاؤں پکڑنے کی کوشش کر رہی ہیں۔ بڑے پیمانے پر بغاوت کے خوف سے وہ اتحاد بنانا چاہتی ہیں۔
یہ بھی پڑھیں: Mamata On Congress ممتا بنرجی کی پیش کش پر کانگریس کی خاموشی
کانگریس، سی پی ایم، آئی ایس ایف نے 2021 کے آخری اسمبلی انتخابات میں اتحاد بنایا تھا۔ لیکن اس کا ووٹ کے نتائج پر کوئی اثر نہیں ہوا۔ آئی ایس ایف نے صرف ایک سیٹ جیتی۔ تاہم، دو سال بعد کانگریس نے ساگردیگھی ضمنی انتخاب میں جیت حاصل کرکے اسمبلی میں اپنا کھاتا کھول لیا ہے۔ بی جے پی کے صدر سوکانت مجمدار نےساس پر تبصرے کرتے ہوئے کہ کہ وزیر اعلیٰ سمجھ گئی ہیں کہ آئندہ لوک سبھا انتخابات میں ریاست میں کیا ہونے والا ہے۔ ابھیشیک بنرجی کی یاترا دراصل ایک سروے ہے۔ اسے یہ رپورٹ مل گئی ہے۔ چہرہ بچانے کے لیے اس کا ہاتھ پکڑنے کی کوشش کر رہی ہیں۔
