Md Salim Slams TMC Govt: 'ٹی ایم سی کے دور اقتدار میں اردو اور اقلیتی طبقے کو گمراہی کے علاوہ کچھ بھی نہیں ملا'

سی پی آئی ایم کے سرکردہ رہنما اور سابق رکن پارلیمان محمد سلیم نے ای ٹی وی بھارت سے خصوصی بات چیت CPI(M) Leader Md Salim Interview کے دوران کہا کہ متابنرجی کے دور اقتدار میں اردو اور اقلیتی طبقے کو گمراہی کے علاوہ کچھ بھی نہیں ملا ہے۔

مغربی بنگال سی پی آئی ایم پولیٹ بیورو ممبر اور سابق رکن پارلیمان محمد سلیم نے ای ٹی وی بھارت سے خصوصی گفتگو کرتے CPI(M) Leader Md Salim Interview ہوئے مغربی بنگال اور ملک کی موجودہ سیاسی صورتحال پر تبادلہ خیال کیا۔

ای ٹی وی بھارت کو دیئے گئے انٹرویو میں سی پی آئی ایم کے رہنما محمد سلیم نے حکمراں جماعت ترنمول کانگریس کی سربراہ ممتا بنرجی پر CPI(M) Leader Md Salim Slams TMC Govt آر ایس ایس کی طرح کام کرنے کا الزام لگایا۔

سی پی آئی ایم کے رہنما محمد سلیم نے کہا کہ جو حال دہلی میں وہ ہی حال مغربی بنگال میں بھی ہے۔ دونوں جگہوں کی موجودہ صورتحال میں زیادہ فرق نہیں ہے۔ ممتا بنرجی کی سیاسی جماعت ترنمول کانگریس اور بی جے پی کے درمیان گہرا رشتہ ہے۔ یہ رشتہ 2011 سے بھی بہت پرانا ہے۔ اسی وجہ سے دونوں ایک دوسرے کو چھوڑ کر کام نہیں کر سکتے ہیں۔

ان کا کہنا ہے کہ ترنمول کانگریس کے بیشتر رہنما کسی نہ کسی معاملے میں ملوث ہیں۔ وزیراعلیٰ کے بھتیجے کے کوئلہ معاملے میں ملوث ہیں اور اس معاملے پر سی بی آئی اور ای ڈی کی تحقیقات چل رہی ہے۔ اسی معاملے کو لے کر ترنمول کانگریس کی سربراہ دہلی میں کبھی وزیراعظم نریندر مودی سے تو کبھی امت شاہ سے ملاقات کرتی ہیں۔

سی پی آئی ایم کے رہنما کے مطابق بی جے پی کے اشارے پر ہی ترنمول کانگریس ملک کی دوسری ریاستوں میں اپوزیشن کو توڑنے اور بی جے پی کو مضبوط بنانے کا کام کر رہی ہیں۔ یہ بات کسی سے چھپی ہوئی نہیں ہے۔ چند برسوں کے دوران پارلیمنٹ میں جتنے بھی بل پاس ہوئے، اس میں ترنمول کانگریس کی بی جے پی کو حمایت حاصل رہی ہے۔ پارلیمنٹ میں شہریت ترمیمی ایکٹ، این آر سی، تین طلاق سمیت دیگر بل کے پاس ہونے کے وقت ترنمول کانگریس کے اراکین پارلیمان غیر حاضر رہے، اسی کو حمایت کہتے ہیں۔

سی پی آئی ایم کے رہنما نے کہا کہ نندی گرام اور سنگور میں کسانوں کی حمایت کے نام پر جو سیاست کی گئی اس کا خمیازہ آج بھی لوگ بھگت رہے ہیں۔ نندی گرام اور سنگور کی زمینیں آج ویران ہیں۔ وہاں کوئی کارخانہ قائم نہیں ہو سکا ہے۔ اردو اور اقلیتی طبقے کے لوگوں کو بنگال میں گمراہی کے سوائے کچھ بھی نہیں ملا ہے۔ قتدار میں آنے سے پہلے اردو اردو کہہ رہیں تھی اور اقتدار میں آنے کے بعد اردو کو کیا ملا کچھ بھی تو نہیں۔