اشوک بھٹا چاریہ کا ترنمول کانگریس پر ریگنگ کا الزام

سی پی آ ئی ایم کے سرکردہ رہنما اشوک بھٹا چاریہ نے حکمراں جماعت ترنمول کانگریس پر رگینگ اور الیکشن کی خلاف ورزی کا الزام لگایا ۔

اشوک بھٹا چاریہ کاکہنا ہے کہ ترنمول کانگریس کے کونسلر اور ان کےحامیوں نے سلی گوڑی کے201 نمبر بوتھ کے اندر ڈیوٹی پر تعینات افسران کے سامنے ووٹرز کو ترنمول کانگریس کے امیدوار کی حمایت میں ڈالنے کی کہہ رہے ہیں۔
اشوک بھٹا چاریہ نے مزید کہا کہ سلی گوڑی کے تمام بوتھوں پر ترنمول کانگریس کے حامی ووٹرز ڈرا دھمکا رہے ہیں۔ جن بوتھوں پر حریف جماعتوں کو زیادہ ووٹ ملنے کا امکان ہے وہاں پولنگ ہونے نہیں دی جا رہی ہے ۔
سی پی آ ئی ایم کے رہنما کے مطابق مقامی تھانہ کی پولیس اور الیکشن کمیشن کے اہلکار ترنمول کانگریس کی مد د کر رہے ہیں۔
ترنمول کانگریس کے کونسلر کا کہنا ہے کہ سی پی آ ئی ایم کے رہنما کے الزام بے بنیاد ہے۔ سلی گوڑی میں پرُ امن طریقے سے پولنگ ہو رہی ہے۔ سی پی آئی ایم اور بی جے پی ماحول بگاڑ نے کی کوشش کر رہیں ہیں۔