مغربی بنگال میں لاک ڈاؤن کے درمیان کورونا وائرس کے نئے کیسز کی تعداد میں نمایا کمی دیکھی گئی ہے لیکن اموات میں اضافہ بدستور جاری ہے۔ ریاست میں گذشتہ چوبیس گھنٹوں کے دوران 19 ہزار 33 لوگوں میں کورونا کی تشخیص ہوئی ہے۔ یہ مسلسل تیسرا دن ہے جب 20 ہزار سے کم یومیہ کیسز ریکارڈ کیے گئے ہیں۔
وہیں، گذشتہ چوبیس گھنٹوں کے دوران کورونا وائرس کے سبب 148 لوگوں کی موت ہوئی ہے جو گزشتہ کل کے مقابلے چار زیادہ ہے۔
ریاست میں نئے مریضوں کی تعداد میں کمی کا سلسلہ جاری ہے۔ گذشتہ چوبیس گھنٹوں کے دوران کورونا وائرس کے کل 19 ہزار نئے کیسز سامنے آئے ہیں۔
ریاست کے چند اہم اضلاع میں کورونا وائرس کے کیسز پر ایک نظر :
- شمالی 24 پرگنہ: 4220
- کولکاتا: 3899
- جنوبی 24 پرگنہ :1269
- ہوڑہ: 1219
- ہگلی: 1086
- دارجلنگ: 728
واضح رہے کہ مغربی بنگال میں کورونا وائرس کے مریضوں کی کل تعدا 11 لاکھ 53 ہزار 433 تک پہنچ چکی ہے جبکہ اس بیماری سے اب تک 13،488 مریضوں کی موت ہو چکی ہے۔رپورٹ کے مطابق اب تک 9،88،341 مریض صحتیاب ہو کر ہسپتالوں سے گھر واپس لوٹ چکے ہیں۔ وہیں فعال کیسز کی تعداد 1،31،805 تک پہنچ چکی ہے۔
