کولکاتا:مغربی بنگال کے دارالحکومت کولکاتا کے جنوب میں واقع ایک مکان سے کانسٹبل کی لاش برآمد کی گئی ہے۔ درمیانی عمر کانسٹیبل کرائے کے مکان میں اکیلا رہتا تھا۔ وہ اتوار کو گھر پر تھا۔ لیکن رات تک اسے نہ دیکھ کر اور کوئی جواب نہ ملنے پر گھر کے مکینوں نے پلک کے گھر والوں کو اطلاع دی۔ بعد میں پولیس کو بھی اطلاع دی گئی۔ پولیس نے آکر اس کی لٹکتی لاش برآمد کی۔
ابھی تک یہ واضح نہیں ہے کہ واقعہ خودکشی کا ہے یا نہیں۔ پلک پرناسری علاقہ کا پولیس کانسٹیبل تھا۔ پولیس ذرائع کے مطابق وہ گزشتہ کچھ دنوں سے علیل تھا۔ تاہم اس کے ساتھی یا جاننے والے اس بات کا یقین نہیں کررہے ہیںکہ انہوں نے خودکشی کی ہے۔بظاہر کوئی وجہ نہیں تھی۔ پولیس کو ابتدائی تفتیش میں پتہ چلا ہے کہ پلک نے حال ہی میں کئی جگہوں سے قرض لیا تھا۔
یہ بھی پڑھیں:اپوزیشن ارکان پارلیمنٹ کی معطلی پر راہل گاندھی کا شدید ردعمل
مقامی باشندوں کا کہنا تھا کہ ادھیڑ عمر پلک کا خاندان ہونے کے باوجود وہ اس کے ساتھ نہیں رہتے تھے۔ پولیس کانسٹیبل اس کرائے کے مکان میں اکیلا رہتا تھا۔پولیس نے واقعے کی تفتیش شروع کردی ہے۔ پولیس اہلکار کی لاش کو بھی پوسٹ مارٹم کے لیے بھیج دیا گیا ہے۔
یواین آئی
