'بنگال میں کانگریس کی مقبولیت میں اضافہ ہوا ہے'

گارولیا ٹاؤن میں کانگریس کے یوتھ رہنما جاوید اقبال کا کہنا ہے کہ بنگال میں کانگریس کی مقبولیت میں کوئی کمی نہیں ہوئی ہے۔ قومی پارٹی کو عوام کی حمایت حاصل ہے۔

مغربی بنگال کے ضلع شمالی 24 پرگنہ ضلع کے گارولیا ٹاؤن میں کانگریس کے نوجوان رہنما جاوید اقبال کا کہنا ہے کہ بنگال میں کانگریس کی مقبولیت میں کوئی کمی نہیں ہوئی ہے بلکہ پارٹی کی مقبولیت میں اضافہ ہوا ہے۔

انہوں نے کہا کہ کانگریس قومی پارٹی ہے اس کو عوام کی حمایت حاصل ہے۔ عوامی حمایت کے سبب پارٹی کو اگلے اسمبلی انتخابات میں نمایاں کامیابی ملے گی۔

یوتھ کانگریس کے رہنما کا کہنا ہے کہ نہ صرف بنگال میں بلکہ پورے ملک میں کانگریس ایک مضبوط اپوزیشن پارٹی ہے اور ہمیشہ رہے گی۔

انہوں نے کہا کہ پردیش کانگریس صدر ادھیر رنجن چودھری کی قیادت میں ہماری پارٹی کامیابی حاصل کرے گی۔ شمالی پرگنہ ضلع کانگریسیوں کا گڑھ رہا ہے اور مستقبل میں بھی رہے گا۔ ضلع میں کانگریس حریف پارٹیوں کو شکست دے گی۔