مغربی بنگال: لوکل ٹرین خدمات جلد بحال کرنے کا اشارہ

وزیراعلیٰ ممتا بنرجی نے گزشتہ ساڑھے تین مہینوں سے معطل لوکل ٹرین خدمات کو جلد ہی مکمل طور پر بحالی کا اشارہ دیا ہے۔

مغربی بنگال میں کورونا وائرس کی تیسری لہر سے نمٹنے کے لیے تیاریاں جاری ہیں۔ اسی درمیان ریاستی حکومت کے لاک ڈاؤن میں نرمی برتنے کے اعلان کے بعد عام لوگوں کو بڑی راحت ملی ہے۔ ریاست میں لاک ڈاؤن کا 94واں دن ہے۔ اسی درمیان وزیر اعلیٰ ممتابنرجی نے سکریٹریٹ بلڈنگ نبنو میں پریس کانفرس کے دوران مختلف ترقیاتی منصوبوں کا اعلان کیا اور اس کے ساتھ لوکل ٹرین خدمات کی دوبارہ بحالی کا مثبت اشارہ دے دیا۔

لوکل ٹرین خدمات جلد بحال کرنے کا اشارہ

وزیراعلیٰ ممتا بنرجی کا کہنا ہے کہ ابھی ابھی کورونا وائرس کی دوسری لہر پر مکمل طور قابو پایا گیا ہے۔ کورونا وائرس کی تیسری ابھی شروع ہوئی ہے۔ اگر ہم پندرہ بیس دنوں تک صبر کے ساتھ احتیاطی تدابیر پر سختی سے عمل کریں گے تو کورونا وائرس کی تیسری لہر پر قبل از وقت قابو پا لیں گے'۔انہوں نے کہاکہ مجھے پتہ ہے کہ لوکل ٹرین کی خدمات معطل ہونے سے عام لوگوں کو بڑی دشواریوں کا سامنا کرنا پڑ رہا ہے۔ لوگوں سے مزید چند دنوں تک صبر کرنے کی اپیل ہے۔ حالات مزید سازگار ہونے کے بعد لوکل ٹرین کی خدمات دوبارہ بحال کرنے کی تاریخ کا اعلان کر دیا جائے گا'۔ دوسری طرف ریاست میں اسپیشل ٹرینوں کی خدمات بدستور جاری ہے۔ سیالدہ اور ہوڑہ ڈویژن میں ریلوے، پولیس، بینک، صحت ملازمین اور صحافیوں کے لیے اسپیشل ٹرینیں چلائی جا رہیں ہیں۔ عام لوگوں کو بھی آن ٹرینوں کے ذریعہ سفر کرنے کی اجازت دی گئی ہے جس کے سبب ان کی پریشانیاں کچھ حد تک کم ہوئی ہیں۔

واضح رہے کہ گزشتہ چھ مئی کو مغربی بنگال میں کورونا کے یومیہ کیسز اور شرح اموات دونوں میں ریکارڈ اضافہ ہونے کے بعد گزشتہ چھ مئی کو لوکل ٹرین خدمات معطل کر دی گئی تھی۔

بھارتی ریلوے بورڈ کی جانب سے ریلوے ملازمین، پولیس اہلکاروں، ڈاکٹرز، نرس، محکمہ صحت، بینک ملازمین اور صحافیوں کے لیے اسپیشل ٹرینیں چلا رہیں ہیں وقت کے ساتھ ساتھ اسپیشل ٹرینوں کی تعداد میں اضافہ کیا جارہا ہے۔