مغربی بنگال میں سنٹرل ریزرو پولیس فورس کو تعینات کیا جائے: نروتم

مغربی بنگال میں پہلے بھی پانچ چھ مراحل میں انتخابات ہوئے ہیں۔ اگر اس بار سات آٹھ مرحلوں میں انتخابات ہوں گے تو اس میں کیا اعتراض ہے ۔ الیکشن کمیشن نے کل مغربی بنگال اسمبلی انتخابات کے کا اعلان کیا ہے ، جو آٹھ مراحل میں ہوں گے

مدھیہ پردیش کے وزیر داخلہ نروتم مشرا نے مغربی بنگال میں اسمبلی انتخابات آزادانہ ، منصفانہ اور پرامن طریقے سے منعقد کرانے کے لئے وہاں سنٹرل ریزرو پولیس فورس کی کمپنیاں تعینات کر نے کا مطالبہ الیکشن کمیشن سے کیا ۔

مشرا نے اسمبلی انتخابات کے پروگرام جاری ہونے کے بعد وہاں کی وزیر اعلی ممتا بنرجی کے رد عمل کے تناظر میں گزشتہ شب میڈیا سے کہا کہ انہیں انتخابات میں اپنی شکست کا احساس ہوگیا ہے۔ اس لئے وہ ابھی سے ہی آئینی اداروں سوال اٹھا رہی ہیں۔

انہوں نے کہا کہ ہر کوئی وہاں ترنمول کانگریس کے کارکنوں کی دہشت سے واقف ہے ۔ یہ لوگ اسمبلی انتخابات کے دوران بھی بے ضابطگیاں کریں گے۔ اس لئے کمیشن کو وہاں پر سینٹرل ریزرو پولیس فورس کی کمپنیاں تعینات کرنی چا ہئے ۔

مشرا نے کہا کہ آئینی اداروں پر سوال کھڑے کرنے ، شکست ہونے پر ای وی ایم پر سوال کھڑ ے کرنا ان لوگوں کی پرانی عادت ہے ۔ یہ سب ان کی شکست سے پہلے کی بوکھلاہٹ ہے ۔ مغربی بنگال میں پہلے بھی پانچ چھ مراحل میں انتخابات ہوئے ہیں۔ اگر اس بار سات آٹھ مرحلوں میں انتخابات ہوں گے تو اس میں کیا اعتراض ہے ۔ الیکشن کمیشن نے کل مغربی بنگال اسمبلی انتخابات کے کا اعلان کیا ہے ، جو آٹھ مراحل میں ہوں گے ۔