بردوان:مغربی بنگال کے بردوان ضلع میں عوامی جلسے کو خطاب کرتے ہوئے وزیر اعلیٰ ممتا بنرجی نے کہا کہ اسٹاک مارکیٹ کا کریش کی وجہ سے مرکزی حکومت تشویش میں مبتلا ہو گئی ہے۔ کیونکہ دو تین صنعت کاروں کی بدولت یہ حکومت اپنے پیروں پر کھڑی ہے۔
واضح رہے کہ وزیر اعلیٰ گزشتہ پیر سے ضلع کا دورہ کر رہے ہیں۔ وہ مشرقی بردوان میں تھیں جہاں انہوں نے کئی سرکاری پروگراموں میں شرکت کی۔ ریاست میں ان کی انتظامیہ کی طرف سے کئے گئے ترقیاتی کاموں کا خلاصہ کیا ۔ممتا بنرجی نے متعدد مسائل پر مرکز کی مودی حکومت پر حملہ کیا۔ مرکز نے 6-8 لوگوں کو شیئر خریدنے کے لئے بلایا۔اسی وجہ سے شیئر کی قیمتیں گر رہی تھیں۔ کچھ لوگ ان سے کئی ہزار کروڑ روپے خرچ کرنے کو کہہ رہے ہیں۔
وزیراعلی نے دعویٰ کیا کہ ان کے پاس اس سلسلے میں تفصیلی معلومات ہیں۔وقت آنے پر عوام کے سامنے سچائی کو لائیں گی ۔اس وقت پتہ چلے گا کہ اقتدار پر قبضہ برقرار رکھنے کے لئے کون کیا کر سکتا ہے ۔
یہ بھی پڑھیں:Mamata Banerjee On CAA شہریت ترمیمی ایکٹ کے نام پر عوام کو الجھایا جارہا ہے، ممتا بنرجی
انہوں نے سب سے کم انکم ٹیکس سلیب کو 5 لاکھ سے بڑھا کر 7 لاکھ روپے کرنے پر مرکز پر کڑی تنقید کی۔ نئے ٹیکس ڈھانچے میں مزید چھوٹ دی جائے گی۔ یہ حکومت اقتدار میں رہنے کی صورت میں تمام بینک بند کر دے گی۔ LIC کا وجود ختم ہو جائے گا۔ حصص فروخت ہو رہے ہیں۔
