مرکزی حکومت کی جانب سے کووڈ سے متعلق دواؤں پر جی ایس ٹی اور دوسرے ٹیکس برقرار رکھنے کے فیصلے پر ترنمول کانگریس نے نکتہ چینی کی ہے۔
ترنمول کانگریس کے رہنماؤں برتو باسو اور سو کھیندو شیکھر رائے نے آج ترنمول بھون میں میڈیا سے خطاب کرتے ہوئے مرکزی حکومت کووڈ سے متعلق دواؤں اور ایمبولنس پر جی ایس ٹی برقرار رکھنے کے فیصلے کو عوام دشمن قرار دیا۔
ترنمول کانگریس کے رہنما برتو باسو نے آج میڈیا سے خطاب کرتے ہوئے کہا وزیر اعلی ممتا بنرجی نے وزیر اعظم نریندر مودی کو 9 مئی 2021 کو خط لکھا تھا اور ان سے کووڈ سے متعلق اہم دواؤں پر جی ایس ٹی اور دوسرے ٹیکس سے مثتثنی رکھنے کی اپیل کی تھی۔
وزیر اعلی ممتا بنرجی نے خط میں لکھا تھا کہ بہت سماجی و فلاحی تنظیمیں کووڈ کے خلاف لڑائی میں حکومت کا ساتھ دے رہے ہیں اور اپنے طور پر آکسیجن اور دواؤں کو عوام تک پہنچا رہے ہیں ان تنظیموں نے ریاستی حکومت سے اپیل کی تھی کہ کووڈ سے متعلق دواؤں اور دوسرے مصنوعات کو ٹیکس سے مثتثنی کیا جائے تاکہ زیادہ سے زیادہ لوگوں کی مدد کی جا سکے۔
ترنمول کانگریس رہنما برتو باسو نے مرکزی حکومت کی جانب سے ایمبولینس پر 28 فیصد 12 فیصد جی ایس ٹی کم کرنے کو مزاق قرار دیتے ہوئے کہا کہ اس سے مرکزی حکومت کی عوام کے تئیں سنجیدگی کا پتا چلتا ہے۔
3 کروڑ افراد کورونا سے متاثر ہوئے اور 70 ہزار کے قریب لوگوں کی موت ہوئی ان حالات میں کووڈ سے متعلق دواؤں پر ٹیکس لگانا ثابت کرتا ہے کہ مرکزی حکومت کتنی بڑی عوام دشمن حکومت ہے۔
ہم مرکزی حکومت کی اس عوام دشمن پالیسی کے پر احتجاج کرتے ہیں اور مرکزی حکومت سے کووڈ سے متعلق تمام دواؤں اور مصنوعات پر سے تمام ٹیکس معاف کرنے کا مطالبہ کرتے ہیں۔
