تفصیلات کے مطابق شاردا چٹ فنڈ معاملے میں ترنمول کانگریس کے رکن پارلیمان و پارٹی ترجمان ڈیرک اوبرائن کو سی بی آئی نے نوٹس بھیج کر چٹ فنڈ معاملے میں تحقیقات کے لیے نوٹس بھیجی ہے۔
مرکزی تفتیشی ایجنسی کی جانب سے بھیجی گئی نوٹس میں کہا گیا ہے کہ وہ ڈیرک اوبرائن سے شاردا چٹ فنڈ معاملے میں پوچھ تاچھ کرنا چاہتی ہے،
ذرائع کے مطابق سی بی آئی ڈیرک اوبرائن سے یہ جاننا چاہتی ہے کہ انہوں ترنمول کانگریس کے کسی اثر و رسوخ والے رہنما کو شاردا چٹ فنڈ کے روپے پہنچانے کا کام کیا تھا یا نہیں؟
واضح رہے کہ اس سے قبل بھی سی بی آئی نے ڈیرک اوبرائن کو پوچھ تاچھ کے لیے حاضر ہونے کے لیے کہا تھا لیکن پارلیمنٹ اجلاس جاری ہونے کی وجہ سے وہ سی بی آئی کے سامنے پیش نہیں ہو سکے تھے۔
اس سلسلے میں ڈیرک اوبرائن نے ٹویٹ کیا کہ ' میں ترنمول کانگریس کا ترجمان اخبار 'جاگو بنگلہ' ناشر ہوں، کچھ دنوں قبل اس کے مدیر سبرتو بخشی کو پوچھ کے لیے سی بی آئی نے طلب کیا تھا اور اب 25 جولائی دو بجے مجھے نوٹس جاری کیا گیا ہے۔
