بی جے پی امیدوار کی کار سے بڑے پیمانے پر نقدی برآمد

کھٹال لوک سبھا حلقے سے بی جے پی کی امیدوار اور سابق آئی پی ایس آفیسر بھارتی گھو ش کی کار سے گذشتہ شب بڑے پیمانے پر نقد روپے برآمد ہوئے ہیں۔کھٹال لوک سبھا حلقے میں 12 مئی کو پولنگ ہوگی۔

پولیس کے ذرائع کے مطابق گذشتہ شب ساڑھے بارہ بجے پنگال مندال بارا علاقے میں کار تلاشی کے دوران بھارتی گھوش کے قافلے میں شامل چار گاڑیوں سے بڑے پیمانے پر نقد روپے برآمد ہوئے ہیں۔

پولیس کے مطابق یہ رقم دو کروڑ روپے سے زائد ہے۔گھوش سے پوچھ تاچھ کی جارہی ہے کہ یہ رقم کہاں سے آئی ہے۔

دوسری جانب بھارتی گھوش نے پولیس پر ہی الزام عائد کر دیا ہے کہ وہ میری کار میں روپے رکھ کر ڈرامہ کر رہی ہے۔ اس سے قبل بھی بھارتی گھوش نے ترنمول کانگریس کے ورکرز کو دھمکی دی تھی کہ اترپردیش سے لوگ بلواکر ان کی پٹائی کرائیں گی۔بھارتی گھوش کا دھمکی آمیز ویڈیو وائرل ہونے لگا تھا۔