کولکاتا: مغربی بنگال کے دارالحکومت کولکاتا میں واقع کلکتہ ہائی کور ٹ کی ڈویژن بنچ نے میدان اسکوائر میں درختوں کی کٹائی پر عبوری روک لگا دی ہے۔ یہ روک13 نومبر تک نافذ رہے گی۔اس ہدایت کے بعد تعمیراتی کمپنی ریلوے بیکاش نگم لمیٹڈ میٹرو کے کام کے لیے کوئی درخت نہیں کاٹ سکے گی۔
جسٹس موشومی بھٹاچاریہ اور جسٹس ویوسارنجن ڈے کی ڈویژن بنچ نے یہ حکم جاری کیاہے۔مبینہ طور پر میٹرو اسٹیشن کی تعمیر کے لیے میدان کے علاقے میں درخت کاٹے جا رہے ہیں۔ مزید درخت کاٹے جائیں گے۔ مومن پور ۔ ایسپلانیڈ میٹرو کے نئے اسٹیشن کی تعمیر کے لیے میدان میں تقریباً 700 درخت کاٹے جائیں گے۔ اس درخت کو کاٹنے کے لیے کوئی ضروری اجازت نہیں لی گئی ہے۔ ایک رضاکار تنظیم نے اس کی شکایت لے کر عدالت سے رجوع کیا ہے۔
مدعی یہ جاننا چاہتا ہے کہ آیا حق اطلاعات قانون کے تحت مطلوبہ منظوری موجود ہے۔ انہوں نے سوال اٹھایا کہ محکمہ جنگلات نے اس سلسلے میں اجازت دی ہے یا نہیں؟ لیکن انہوں نے دعویٰ کیا کہ حق اطلاعات قانو ن کے تحت کوئی جانکاری نہیں دی گئی ہے۔
یہ بھی پڑھیں:Land Acquisition Compensation Issue اراضی کے حصول سے قبل مالکان کو پورا معاوضہ ادا کرنا ہوگا، ہائی کورٹ
کلکتہ شہر ان شہروں میں سے ایک ہے جہاں درجہ حرارت 1950 سے بڑھ رہا ہے۔ کلکتہ میں ملک کے کسی بھی دوسرے شہر کے مقابلے میں اوسط درجہ حرارت میں زیادہ اضافہ ہوا ہے۔ درختوں کی کٹائی کی تعداد تشویشناک ہے۔ اس کیس کی اگلی سماعت 9 نومبر کو ہوگی۔
