مغربی بنگال کے دارلحکومت میں واقع کلکتہ ہائی کورٹ نے بی جے پی کے رہنما کی اپیل پرسماعت کرتے ہوئے کہاکہ سماعت بالکل ہی درست سمت میں گامزن ہے ۔
انہوں نے کہاکہ بی جے پی رہنما مکل رائے کے خلاف سماعت جاری ہے۔ سماعت مکمل ہونے تک ان کی گرفتاری نہیں ہو سکتی ہے۔
عدالت نے پولیس کوہدایت دی ہے کہ سماعت مکمل ہونے تک مکل رائے کے خلاف کارروائی نہ کرے۔
کلکتہ ہائی کورٹ کی ہدایت ایک ایسے وقت میں آ ئی ہے جب آئندہ 25 نومبر کو ریاست کے تین اسمبلی حلقوں میں ضمنی انتخابات ہونے والے ہیں۔
مکل رائے ریاستی بھارتیہ جنتاپارٹی کی الیکشن کمیٹی کے سربراہ ہیں۔ ضمنی انتخابات میں ان کی ذمہ داریوں میں اضا فہ ہوا ہے ۔
واضح رہے کہ بی جے پی کے رہنمامکل رائے کے خلاف جبراًوصولی کا مقدمہ دائر ہے۔ کولکاتا پولیس نے اس کیس میں مکل رائے کے قریبی بابن گھوش کو پہلے ہی گرفتار کرچکی ہے۔
