بی جے پی صدر جے پی نڈا نے کہا کہ ’کورونا وبا کے سبب شہریت ترمیمی قانون 2019 کے نفاذ میں تاخیر ہوئی ہے۔
بی جے پی صدر نے ایک تقریب سے خطاب کرتے ہوئے کہا کہ ’سی اے اے کو وبا کی وجہ سے موخر کیا گیا جبکہ بہت جلد اس قانون کو روبہ عمل لایا جائے گا۔
جے پی نڈا، شمالی بنگال کے بعض گروپس کے ساتھ منعقدہ ایک اجلاس میں خطاب کررہے تھے۔ انہوں نے مغربی بنگال کی ممتا بنرجی حکومت پر تقسیم کرو اور حکومت کورو، کی سیاست کرنے کا الزام عائد کیا۔
انہوں نے سی اے اے کو فائدہ مند قرار دیتے ہوئے کہا کہ یہ قانون کو پارلیمنٹ میں منظور کیا گیا اور اس کو بہت جلد روبہ عمل لایا جائے گا۔
بی جے پی کے قومی صدر مغربی بنگال کے سب بڑے تہوار درگا پوجا کے موقع پر سلی گوڑی پہنچے جبکہ انہوں نے آئندہ اسمبلی انتخابات کے سلسلہ میں بھی پارٹی رہنماؤں کے ساتھ تبادلہ خیال کیا۔
انہوں نے کہا کہ بی جے پی ملک کی ترقی کے لیے کام کر رہی ہے اور وزیراعظم مودی سب کا ساتھ سب کا وکاس کی بات کرتے ہیں لیکن ممتا حکومت حکومت لوگوں کو تقسیم کر رہی ہے۔ انہوں نے گورکھا طبقے کے مسائل حل کرنے کا بھی تیقن دیا۔
جے پی نڈا نے اپنے دورہ کے دوران ترنمول کانگریس کی حکومت کو ریاست سے اکھاڑ پھینکنے کا اعلان کیا۔ انہوں نے کہا کہ بہت جلد سی اے اے کو نافذ کیا جائے گا اور تمام اہل لوگوں کو شہریت دی جائے گی۔
