The Kerala Story Controversy دی کیرالہ اسٹوری پرعائد پابندی عدالت کے ہٹانے سے حکومت کی ذمہ داری کم ہوگئی، ترنمول

حکمراں جماعت ترنمول کانگریس نے کہا کہ ریاستی حکومت نے عوام کی بہتری کے لیے متنازع فلم دی کیرالہ اسٹوری پر پابندی عائد کی تھی۔ سپریم کورٹ نے فلم پر عائد پابندی پر اسٹے لگا دیا ہے تو اس سے حکومت کی ذمہ داری کم ہوگئی ہے

کولکاتا: مغربی بنگال کی حکومت نے احتیاطی تدابیر کے تحت دی کیرالہ اسٹوری پر کارروائی کی۔ سپریم کورٹ نے اس کارروائی پر روک لگا دی ہے۔ ریاست کی حکمراں جماعت ترنمول کانگریس کو اس میں کوئی ہار جیت نظر نہیں آرہی ہے۔ سپریم کورٹ کے فیصلے سے ریاستی حکومت کی ذمہ داری کم ہو گئی ہے۔

ترنمول کانگریس کے ریاستی جنرل سکریٹری کنال گھوش اور ریاستی وزیر ششی پانجا نے ترنمول بھون میں پریس کانفرنس کو خطاب کرتے ہوئے سپریم کورٹ کے ذریعہ فلم پر اسٹے لگائے جانے کی وضاحت کی ۔اس سے حکومت سے کوئی لینا دینا نہیں ہے۔فیصلہ سپریم کورٹ کا ہے اس میں ہم کیا کر سکتے ہیں۔

کنال گھوش نے کہا کہ دی کیرالہ اسٹوری نے سماج کے ایک طبقے کو بہت برے طریقے سے دکھایا ہے۔ ریاستی حکومت کو خدشہ تھا کہ امن و امان کو نقصان پہنچے گا۔ لوگوں کے درمیان اختلافات ہو سکتے ہیں۔ ریاستی حکومت خوفزدہ تھی اور اسی کے مدنظر یہ قدم اٹھایا۔

انہوں نے کہا کہ اگر سپریم کورٹ حکم امتناعی دیتا ہے تو اس معاملے میں ریاستی حکومت کی کوئی ذمہ داری نہیں ہے۔ اس کے ساتھ جیت یا ہار کی کوئی بات نہیں ہے۔ہم فیصلے کا خیر مقدم کرتے ہیں۔لوگ اپنی مرضی کے مطابق فلم دیکھ سکتے ہیں اورنہیں بھی۔ریاستی وزیر ششی پانجا نے کہا کہ سپریم کورٹ کی مداخلت سے مغربی بنگال کی ذمہ داری تھوڑی کم ہوئی ہے۔اس سے زیادہ اس سلسلے میں کچھ بھی کہا نہیں جاسکتا ہے ۔